Albisteak

Bergarako Udalak maiatzaren 31n ospatuko den “Tabakorik Gabeko Nazioarteko Eguna”ren harira sentsibilizazio kanpaina eta "KRIXKITIN ETA ERRALDOIEK AIRE GARBIA ARNASTU ZUTENEKOA" liburua aurkeztu ditu. Bi ekimen hauen helburua da tabakoaren kontsumoaren inguruko kontzientziazioa areagotzea eta prebentzio mezua zabaltzea, batez ere haur eta familien artean.

Bergarako Udalak datorren maiatzaren 29an, asteartea, Adineko Pertsonen Kontseilua ospatuko du Udaletxeko pleno aretoan, arratsaldeko 17:30etatik 19:00etara. Ekitaldi hau udalerriko adinekoen partaidetza sustatzeko espazio garrantzitsua da.

Kontseiluaren bileran hainbat gai landuko dira, besteak beste, Belaunaldien arteko egunaren memoria eta Bakardade eta Bizikidetza alternatiba lantaldeen lana aurkeztea. Halaber, urriaren 1ean ospatuko den Adineko Pertsonen Nazioarteko Eguna izango dira mahai gainean.

Bergarako Udalak eta Badihardugu elkarteak hitzarmena sinatu dute Bergarako hitanoaren atala “Appa Hi” aplikazioan erabilgarri jartzeko. Gainera, hika sustatzeko asmoz, Euskaraldiarekin HIKALDIA ere bultzatu izan du Bergarako Udalak azkeneko bi ekitaldietan.

Garai batean hika kalean eta etxean hitz egiten ikasten zen, baina gaur egun transmisio hori neurri handian etenda dago Bergaran, eta etxean eta lagun artean hizkera mota hori berez jaso ez dutenei erreminta bat eskaini nahi die Bergarako Udalak.

Laboratorium Museoa zientzia eta gizarte museoa den heinean, “museoak etorkizuna eraikitzeko bitartekari aktiboak” ere badirela aldarrikatu du Rosa Errazkin museoko zuzendariak. Zientzia gizarteratzeko eta gizartea zientzian murgiltzeko zubiak dira museoak, ezagutza eskuragarria eta partekatua sustatuz.

Maiatzaren 25ean, igandea, Bergara mugimendu, musika eta alaitasunez beteko da Bergarako Dantzaren Eguna ospatzeko. Taupa Dantza Taldea, Camden Dance Studio, Moises Azpiazu Dantza Taldea eta Bergarako Musika Eskolarekin lankidetzan antolatutako ekitaldia izango da hau, eta lehen aldiz ospatuko da.

Ibilbidea 11:30ean Laboratorium Museoaren hasiko da, dantza ikuskizunez osatutako jardunaldiari hasiera emanez. Ekitaldiak 12:15ean Ariznoa Plazan (epaitegien aurrean) jarraituko du, eta 13:00etan San Martin Plazan amaituko da, partehartzaile guztiak azken emanaldirako elkartuz.

Ander Barrusoren "Dantzatzea, oinekin amestea" izendatu dute Bergarako 2025eko Pentekoste Jaietako kartel lehiaketaren irabazlea. Lehiaketak herritarren parte-hartze zabala izan du, guztira 444 bozka jaso direlarik. Herritarrek maiatzaren 9tik 12ra bitartean bozkatu ahal izan dute, eta lehiaketa honek beste behin ere herritarren interesa piztu du, eta parte-hartzaileek beren sormenarekin jaiak iragartzeko aukera izan dute.

Maiatzaren 19tik ekainaren 8ra bitartean ospatuko da Mugiment Pausu Erronka, EAEko Jarduera Fisikoaren Orientazio Zerbitzua (JFOZ) duten 50 udalerrien arteko lehiaketa birtuala. Helburua argia da: herritarrek egunerokoan ahalik eta pauso gehien ematea, osasun fisiko eta emozionala hobetzeko eta jarduera fisikoaren kultura bultzatzeko.

Kukubaso elkarteak eta Bergarako Udalak Jabekuntza Eskolaren egitarauaren baitan antolatutako "EMAKUMEA BERE INGURUAREN ZAINTZAN. LEHEN, ORAIN... ETA GERO ZER?" izeneko mahai-ingurua ospatuko da datorren maiatzaren 22an, osteguna, 18:00etan, Irizar Jauregian.

Bergarako Udalak apelazio-errekurtsoa aurkeztu du Donostiako Administrazioarekiko Auzien 1. Zenbakiko Epaitegiak emandako 73/2025 zenbakiko epaiaren aurka. Epai horrek Greene Waste To Energy S.L. enpresak udal ebazpen batzuen aurka aurkeztutako errekurtsoa onartu zuen. Udalak uste du epaia ez datorrela bat zuzenbidearekin, eta horregatik erabaki du errekurtsoa aurkeztea Euskal Autonomia Erkidegoko Auzitegi Nagusiko Administrazioarekiko Auzien Gelan.

Bergarako Udalak eta Agorrosin Udal Kirol Zerbitzuak uda honetan ere helduentzako kirol eskaintza zabala eskainiko dute, ekainaren 23tik uztailaren 18ra bitartean. Jarduera fisikoa sustatzeko eta udako hilabeteetan aktibo mantentzeko aukera ezin hobea izango da.