Albisteak

Euskal Herriko Itzulia 2026 txirrindulari lasterketaren 6. etapa Bergaran amaituko dela eta, Udalak iragarri du hainbat gune eta kaletan trafikoan eragina izango duela eta aparkalekuak hustu beharko direla apirilaren 10 eta 12 bitartean. Antolakuntza eta segurtasun beharrak direla medio, udalerriko hainbat puntutan ezingo da ibilgailurik utzi.

Udalak dagoeneko seinaleztapena jarri du eremu guztietan, eta bertan aparkatutako ibilgailuetan oharrak banatu ditu, herritarrei egoeraren berri emateko.

Gai zerrenda / pdf >>

Bilkura ikusi >>

Gai zerrenda / pdf >>

Bilkura ikusi >>

Gai zerrenda / pdf >>

Bilkura ikusi >>

Bergarako Udalak eta Fastening Competence Center – FCC elkarteak urteko lankidetza hitzarmena sinatu dute Gorka Artola alkatearen eta FCC elkarteko lehendakari Ander Zamalloaren eskutik. Akordioaren bidez, Udalak 25.000 euroko dirulaguntza emango dio elkarteari, 2026an aurreikusitako jarduerak garatzen laguntzeko.

Bergarako Udalak Pentekoste Jaietako 2026ko esku programaren azala aukeratzeko kartel lehiaketa jarri du abian. Parte hartzea guztiz irekia izango da, edozein pertsonak har dezake parte, eta lanak aurkezteko epea apirilaren 21ean, 13:00ak baino lehen amaituko da.

Bergarako Udalak oinarrizko bizi-euskarriaren (OBE) eta desfibriladorearen (DEA) erabilera lantzeko ikastaro praktikoa antolatu du kirol elkarteentzako apirilaren 28an, asteartea, 17:30etik 20:30era, Labegaraietako kiroldegiko kirol elkarteen gelan.

Ikastaroaren helburua herritarrei larrialdi egoeren aurrean modu eraginkor eta seguru batean erantzuteko ezagutzak eta trebetasunak ematea da. Horretarako, parte hartzaileek desfibriladorea erabiltzen ikasiko dute, eta oinarrizko bizi euskarriko protokoloa, baita arnasketa eta zirkulazio laguntzako teknikak ere landuko dituzte.

Gaur, martxoak 26, 2026ko Itzulia Basque Countryren aurkezpen ofiziala egin da Bergarako Seminarixoan. Lasterketaren edizio berria aurkezteko ekitaldian, ordezkari instituzionalek, babesleek eta erakundeko kideek parte hartu dute.
Honako hauexek parte hartu dute ekitaldian: Gorka Artola, Bergarako Udaleko ordezkaria; Javier Riaño, OCETAko presidentea; Gorka Iturriaga, Eusko Jaurlaritzako Jarduera Fisikoko eta Kiroletako zuzendaria; Gipuzkoako Foru Aldundiko ordezkariak; Basotik; Ibon Barberia, Echemarreko Komunikazioko zuzendaria; eta Joseba Urkiola, EITBko ordezkaria.

Bergara Oinez 2019an sortu zen, herriko hainbat elkarte eta eragileren arteko elkarlanari esker. Ekimenaren helburua da bergararren osasuna sustatzea eta herritarren arteko harremanak indartzea. Aurten zortzigarren ediziora iritsiko da. Lehen irteera ostegun honetan, martxoak 26, ospatuko da, Agorrosinetik irtenda 10:00etan.

Iazko esperientziari jarraituz, eta eguraldi txarra egiten duen egunetan ibilaldia bertan behera utzi behar bada, Agorrosingo kirol gunean talde bakoitzari egokitutako ariketa fisikoa edo gimnasia saioak eskainiko dira, ohiko ibilbideen ordez.

Osintxun Open Gela bulego berria irekiko da apirilaren 1ean, auzoaren eraberritze eta birgaitze prozesua sustatzeko helburuarekin. Ekimen hau Osintxu Biziberritzen mahaiaren lanaren ondorio da (Bergarako Udala, Suradesa agentzia, Txuringo auzo elkartea eta Soraluce Coop).

Gainera, Eusko Jaurlaritzak diruz lagundutako (200.000€) proiektu baten barruan kokatzen da, eta herritarren parte hartzea zein informazioa erraztea izango du ardatz nagusi.