Bergarako Udala-k Al, 2026-11-02 11:07-n bidalia
Txiki Txokoa herritarren gunea izan da beti: bertako haurrek, gurasoek eta zaintzaileek modu komunitarioan erabili izan dute. Hori da haren nortasuna, eta hori da udalak babestu nahi duena.
Azken aspaldian, gunearen erabilera desegokia egin da herritar batzuen aldetik (apurketak, zikinkeria, etab.), eta horrek haurrentzako leku atsegin eta segurua izatetik urruti utzi du espazioa.
Horregatik, arazoari irtenbidea aurkitu bitartean, Txiki Txokoa itxita egongo da. Espazio honetan, haurrek beraien erritmoan jolasten dute, inork antolatutako programarik gabe, eta gurasoek, elkar ezagutzeko, solasean aritzeko eta seme-alabak elkarrekin hazten ikusteko aukera dute. Familia eta belaunaldi desberdinak biltzen dituen topagunea sortuz.
Gunearen izaera komunitarioa mantendu nahi da, eta neurri egokiak aztertzen ari da udala Txiki Txokoa lehenbailehen berriz irekitzeko. Azkenik, udalak herritar guztiei dei egiten die gunea zaintzeko: Txiki Txokoa denona da, eta denon artean zaindu behar da. Neurriak zehaztu ahala, udalak jakinaraziko du zer erabaki den, noiz eta nola irekiko den berriro ere.




