Albisteak

Asteazken honetan Seminarixoan eskainitako teknologia kuantikoaren inguruko mahai-inguru batekin eman diote hasiera aurtengo Zientzia, Teknologia eta Berrikuntza (ZTB) jardunaldiei Bergaran. Guztira, dozena bat ekitaldi inguruk osatuko dute egitaraua, aipaturiko teknologia kuantikoan oinarrituta.

Ekitaldian, Gorka Artola Bergarako alkateaz eta Rosa Errazkin Laboratorium Museoko zuzendariaz gain, Juan Ignacio Pérez Iglesias, Eusko Jaurlaritzako Zientzia, Unibertsitate eta Berrikuntza sailburuak hartu du parte.

Zientzia, Teknologia eta Berrikuntza Jardunaldien barruan, Visiones cuánticas (Ikuspegi kuantikoak) instalazioa izango da ikusgai Bergarako Laboratorium Museoan, urriaren 29tik abenduaren 14ra. Instalazio hau Zientzia eta Teknologia Kuantikoaren Nazioarteko Urtearen testuinguruan kokatzen da, eta gai konplexu hori publiko guztiei modu irisgarrian hurbiltzea du helburu.

Azaroaren 1ean, Antxintxika kirol proba ospatuko da Bergaran, eta horren ondorioz trafikoan aldaketak izango dira. 15:00etatik 18:00ak arte, Ibargarai kalea bi norabideetan itxita egongo da, eta Zurradero kalea ere trafikoarentzat itxita egongo da.

Gainera, taxi geltokia Ibargarai 46ko vending makinaren parean kokatuko da aldi baterako.

Herritarrei eskatzen zaie egun horretan kotxeen erabilera ahal den heinean gutxitzea, eta kontuan hartzea trafikoan eragozpenak egongo direla.

Aroztegi aretoaren 2026. urterako erabilera eta programazioa arautuko duen baldintza-agiria aurkeztu du Bergarako Udalak. Ekimen honen bidez, artistei beren lana erakusteko aukera eman nahi zaie, arte erakusketari eskainitako espazio batean, eta, horrela, komunitatean sormena eta adierazpen artistikoa sustatuko dira.

Bergarako Udalak, teknologia berrien aldeko apustuan sakonduz, ‘Bergara App’ izeneko mugikorretarako aplikazioa jarri du martxan. Aplikazioa Android eta iOS gailuetan eskuragarri dago jada, eta doan deskargatu daiteke. Tresna berri honen bidez, Udalak herritarren eta erakundearen arteko komunikazioa arindu eta erraztu nahi du, betiere gardentasuna eta parte-hartzea sustatuz.

2026 urte hasieran ekin nahi die Bergarako Udalak San Martin Agirre Plaza eta bere ingurua eraberritzeko lanei, herriguneko espazio publiko historiko eta sozial garrantzitsuenetariko bat biziberritzeko helburuarekin. Datorren hilabetean ospatuko den udal Batzordean onartuko da proiektua lizitaziora ateratzea, eta horren ostean enpresek obrak burutzeko deialdian parte hartu ahalko dute.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, urriaren 20ean, astelehen honetan, 19:00etan, San Martin plazan egingo den elkarretaratzean parte hartzeko deia luzatzen die herritarrei.

Bergarako Udalak, Agorrosin Kiroldegiak eta herriko eragile ezberdinek (Pol Pol eskalada taldea, Pol Pol Hanka luze trail eta Lokatza) "Emakumeok Mugimenduan" izeneko programa berria jarri dute martxan 2025/26 ikasturtean, emakumeen jarduera fisikoa, ongizatea eta ahalduntzea sustatzeko helburuarekin. Ekimen honek espazio seguru eta erosoak eskaintzen ditu, emakumeek elkarrekin mugitzeko, esperientziak partekatzeko eta komunitate aktibo bat sortzeko aukera izan dezaten.

Bergarako Udalak, Retina Gipuzkoa Begisare-ren laguntzarekin, ikusmen murriztua edo itsutasuna duten pertsonentzako antzerkia irisgarriago egiteko proiektu berritzailea jarri du martxan. Ekimen honen helburua da antzerkiaren esperientzia inklusiboa eta eskuragarria izatea ikusmen desgaitasuna duten pertsonentzat, arte eszenikoen gozamena guztion eskura jarriz.

Bergarako Udalak Labegaraietako kirol gunean tenis pistaren zorua berritzeko lanak hasi ditu aurreko astean. Kirol gune hau Bergarako bigarren gune garrantzitsuena da, eta bertan kiroldegia ez ezik, kanpoko aisialdirako espazio ugari daude: ur jolasak, skate parkea, haurrentzako jolasak, kirol anitzeko kantxak eta tenis pista.

Tenis pista duela bi hamarkada eraiki zen, eta gaur egun egoera kaskarra du. Horregatik, Bergarako Udalak 2025eko aurrekontuan 30.000 euroko partida onartu zuen inbertsioetarako, eta lanak Asfaltos Urretxu S.A. enpresari adjudikatu zaizkio.