Albisteak

Bergarako Udalak hautaketa prozesua jarri du martxan Gizarte Zerbitzuetako Administraria hautatzeko.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira Batxiler-titulua edo titulu teknikoa izatea eta 3. hizkuntza eskakizunari dagokion euskara-maila izatea.

Jot Down Zientzia ekitaldiaren hamabigarren edizioa urriaren 3an eta 4an ospatu da Bergaran, duela 242 urte wolframaren aurkikuntza ikusi zuen herrian. Aurtengo jardunaldiaren ardatza "Elementu Kritikoak: Wolframetik Lur Arraroetara" izan da, eta gai berari lotuta antolatu da Jot Down Zientzia dibulgazio lehiaketa ere.

Urriaren 6tik aurrera, Deba haraneko 4. ibilbidean dauden bizikleta bideak egokitzen hasiko dira, eta lanek urte amaiera arte irautea aurreikusten da. Bergarako eremuan honako tarteetan egingo dira jarduerak:

· Soraluze–Bergara (I04-009F)
· Bergara–Elorregi (I04-011F)

Bizikleten zirkulazioa mantentzen saiatuko dira, baina zenbait momentutan pasabidea eten beharko da.

Horrelakoetan, aurretiazko abisuak emango dira eta seinale egokiak jarriko dira.

Bergarako Udalak jakinarazten du urriaren 8an eta 9an zuhaitzen mantentze lanak egingo direla Ibargaraiko Tellaetxe plazan, bertako bizilagunen eskaerak kontuan hartuta. Lan hauek zuhaitzen tamaina handiak eta egoera fitosanitario eskasa direla eta burutuko dira.

Apirilean egindako bilera batean, bizilagunek adierazi zuten zuhaitzek eguzkia etxeetara sartzea eragozten dutela eta intsektu ugari sartzen direla leihoetatik. Horren ondorioz, Udalak honako jarduerak burutuko ditu:
Eskumako aldean (32–38 atarien parean):

Uda ostean, Bergarako Udalak berriz aktibatu ditu Arrizuriaga jauregian garatzen ari diren bi prozesu estrategikoak: Kulturgunea eta Txoko Feminista. Biak espazioaren erabilera sozial eta komunitarioa bultzatzeko helburuarekin garatzen ari dira, herritarren eta eragileen parte hartzea ardatz hartuta.

Prozesu bakoitzak bere izaera propioa izaten ari bada ere, modu koordinatuan garatzen ari dira, jauregiko espazioa modu egokian antolatu eta elkarbizitza sustatzeko.

Txoko Feminista: azken saioa eta hurrengo fasearen hasiera

Bergarako Udalak eta Hizkuntza Eskubideen Behatokiak lankidetza hitzarmena sinatu zuten uztailean, bergararron hizkuntza eskubideak defendatzeko eta herritarrak kontzientziatzeko helburuz. Hitzarmenari esker, herritarrok euskararen erabileraren eta hizkuntza-eskubideen inguruan izan ditzakegun zalantzak argitzeko, eta zorionak edo kexak aurkezteko aukera izango dugu ‘Euskararen Telefonoa’ (943 77 91 29) erabilita, eta Udalak eta Behatokiak elkarlanean jardungo dute, horiei erantzuteko.

Aurreko urteetan bezala, Bergarako Udalak 2026ko egutegia argitaratzeko asmoa du, herritarren argazkiekin hornituta. Oraingoan ere gaia libre utzi da eta, beraz, askotariko gaiak islatuko dira egutegian.

Egutegia aurreko urteetakoaren tankerakoa izango da eta, beraz, publizitatea logotipo moduan joango da. Publizitatea jartzeko interesa dutenak Udaleko Euskara Zerbitzuarekin jar daitezke harremanetan. Horretarako azken eguna urriaren 31 izango da. Harremanetarako telefonoa: 943779129

Organo erromantikoaren nazioarteko XXVI. zikloa ospatuko da urriaren 3tik 26ra bitartean, Gipuzkoako hiru herritan: Azkoitian, Bergaran eta Azpeitian (Loiola). Zikloak organoaren musika klasikoa eta garaikidea uztartzen ditu, eta nazioarteko mailako interpreteak bilduko ditu Cavaillé-Coll eta Stoltz Frères organo historikoen inguruan.

Kontzertuak eta lekuak:
• Azkoitia – Amabirjinaren Jasokundearen Parrokia (20:00etan)
• Bergara – San Pedro Eliza (18:30ean)
• Azpeitia – Loiolako Basilika (19:30ean)

Bergarako Udalak, Ortzadar Fundazioaren laguntzaz, "Nerabeak eta osasun mentala" hitzaldia antolatu du. Ekimen hau 12 eta 18 urte bitarteko seme alabak dituzten gurasoei zuzenduta dago, eta helburua da nerabeen garapen emozionala hobeto ulertzen laguntzea, baita gurasoek euren seme alabei babesa eta laguntza eskaintzeko tresnak eskuratzea ere.

Bergarako Udalak kanpoko argiteria publikoa berritzeko proiektua aurrera eramateko Debagoieneko Mankomunitatearekin sinatuko duen lankidetza hitzarmena onartu du astelehen honetan ospatutako plenoan. Proiektuaren helburua da udalerriko argiteria sistema zaharkitua energia-eraginkorragoa den LED teknologiaz ordezkatzea.