Albisteak

Eider Mendoza Gipuzkoako Diputatu Nagusiak eta Gorka Artola Bergarako alkateak astearte eguerdian aurkeztu dute Alkateen Mugimenduaren 50. urteurrena eta Foruen abolizioaren 150. urteurrena oroitzeko uztailaren 19ean ospatuko den ekitaldi politiko-instituzionala.

Mugikortasuneko, Turismoko eta Lurralde Antolaketako Departamentuak Lurraldebuseko zerbitzu bereziak jarriko ditu Pentekoste jaiak direla eta. Zerbitzu horiek maiatzaren 22an (ostirala) eta 23an (larunbata) izango dira.

Ostiralean, hilak 22, Eibartik irteerak 00:00etan, 2:00etan, 4:00etan eta 6:00etan izango dira, eta honako ibilbide hau egingo dute: Soraluze (0:15, 2:15, 4:15 eta 6:15), Bergara (0:30, 2:30, 4:30 eta 6:30), Arrasate (0:45, 2:45, 4:45 eta 6:45), Aretxabaleta (0:50 eta 4:50) eta Eskoriatza (0:55, 4:55).

Zientzia, Unibertsitate eta Berrikuntzako sailburu Juan Ignacio Pérez Iglesiasek “Bi ilunabarreko eguna” erakusketa aurkeztu du gaur arratsaldean Bergarako Laboratorium Museoan. Dibulgazio-ekimen honek datorren abuztuaren 12an Euskadin ikusgai izango den eguzki-eklipse osoa du ardatz. Sailburuarekin batera Bergarako alkate Gorka Artola eta Laboratorium Museoko zuzendari Rosa Errazkin izan dira.

Herrikide hori:

Pentekosteak iristen direnean, herria mugimenduan jartzen da. Egun hauetan errutina eten, kaleak bete eta Bergara beste modu batera bizitzeko aukera izaten dugu. Modu ezberdinak ditugu jaiak gozatzeko, baina guztiek dute zerbait komunean: gure artean elkartzeko gogoa eta herria partekatzeko nahia.

Behin udaleku irekietarako izen-emate epea amaituta, Bergarako Udalak oraindik bete gabe dauden plazak eskainiko ditu datorren astean, maiatzaren 18tik 22ra bitartean.

Interesa duten herritarrek udalaren webgunearen bidez egin beharko dute izen-ematea. Garrantzitsua da gogoraraztea izen-ematea soilik une horretan libre dauden plazetan egin ahal izango dela, eta eskaintza mugatua izango dela.

Izen ematea hurrengo loturan egin beharko da: https://bergara.eus/eu/udaleku-irekietan-izen-ematea-2026

Bergarako Udalaren legegintzaldi planaren baitan, ingurumenaren kontserbazioa, zaintza eta etorkizun jasangarri baten aldeko konpromisoa lehentasunezko ardatzetako bat da. Ildo horretan, Udalak landa lurren erosketa deialdi berria jarri du martxan, lur pribatuak ondare publiko bihurtzeko helburuarekin.

Arazo teknikoak direla eta, une honetan Bergarako Udala-ren arreta telefono zenbakiek ezin dituzte deiak jaso. Arazoa ahalik eta azkarren konpontzeko lanean ari gara.

Bitartean, herritarrek honako bide hauek erabil ditzakete udalarekin harremanetan jartzeko:

- Herritarren Arreta Zerbitzura bertaratuta
- Udalaren posta elektronikoaren bidez
- Egoitza elektronikoaren bidez

Urgentziazko arreta behar izanez gero, deitu SOS Deiak-era edo Ertzaintzara

Barkatu eragozpenak eta eskerrik asko ulermenagatik.

Bergarako Udalak jakinarazi duenez, San Martin Plazan egiten ari diren obrak direla eta, bertan jarri ohi den garbigune ibiltaria aurrerantzean Katabiako plazan kokatuko da (Oxirondoko Azokaren ondoko plazan).

Kokapen aldaketa izan arren, eguna eta ordutegia bere horretan mantenduko dira:
• Asteartetan
• 10:00etatik 21:00etara

Bergarako ikastetxe guztietako ikasle ordezkariak elkartu ziren atzo Udaletxeko Areto Nagusian, Eskolako Agenda 2030 programaren baitan antolatutako Udal Foroan.

Bergarako Udalak Maria Oianguren ikerketa sarien oinarriak argitaratu ditu, Bergarako euskarari buruzko ikerketa-proiektuak sustatzeko helburuarekin. Deialdi honen bidez, bereziki ikertzaile gazteak eta unibertsitateko ikasketetan ibilbide akademiko luzeagoa egin dezaketen ikerlariak animatu nahi dira herriko euskarari buruzko azterketak egitera.

Sariak 3.000 euroko dirulaguntza izango du, eta bi urtean behin egiten den ekimen honen bidez Bergarako euskararen inguruko ezagutza sakontzea eta zabaltzea sustatu nahi da.