Albisteak

Bergarako Udalak jakinarazi du Burdiñateko bidegurutzean, hau da, Barrenkalea eta Masterreka kaleen arteko eremuan, asfaltatze lanak egingo direla. Horren ondorioz, datorren ostiralean, otsailaren 27an, kalea guztiz itxita egongo da trafikorako, eta Bolu eta Elosu auzoetarako ibilgailuen joan-etorriak Artekalea kaletik bideratuko dira.

Trafikoaren aldaketa hau behar bezala seinaleztatuta egongo da eta lanak burutzen dituen enpresako langileek gainbegiratuko dute uneoro.

2025-2026 ikasturtean Bergarako Eskolako Agenda 2030 programarekin aurrera jarraitzen dute herriko ikasleek, eta esku-hartze faseari ekin diote dagoeneko. Izan ere, 2024-2025 ikasturtearen amaieran Bergarako ikasleek argi adierazi zuten beren konpromisoa: herriko eremu bat garbitzeko ekintza komunitarioa egin nahi zuten.

Bergarako Udalak indarrean dagoen Trafiko Ordenantza berritu du, herriko trafiko eta mugikortasun eredua eguneratzeko asmoz. Arau berrituak oinezkoen segurtasuna eta kaleko elkarbizitza hobetzea du helburu, eta hainbat berrikuntza jasotzen ditu: oinezkoek lehentasuna duten guneetan matrikula irakurgailuen bidezko kontrol sistema ezartzea, patinete elektrikoen erabilera arautzea eta 3. kategoriako ibilgailuen aparkaleku mugak zehaztea, besteak beste.

Bergarako Haurren Kontseiluak bere ibilbideari ekin dio otsailaren 11n egindako lehen bilerarekin. Udalak eta herriko hainbat eragilek elkarlanean sustatutako egitasmo honek haurren ahotsa erdigunean jarri nahi du, euren iritziak eta kezkak modu antolatuan jasotzeko eta herriaren egunerokoan islatzeko helburuarekin.

Bergarako Udalak eta herriko elkarte zein eragile feministek Martxoaren 8aren bueltan prestatu duten egitarau zabala aurkeztu dute. Helburua da Emakumeen Nazioarteko Eguna ikusgarri egitea eta berdintasunaren aldeko kontzientzia eta parte hartzea sustatzea.

Aurtengo egitarauan zine saioak, mahai inguruak, kirol ekitaldiak, erakusketak eta mobilizazio feministak antolatu dira, martxoaren 2tik 15era bitartean herriko areto eta gune desberdinetan.

Bergarako Enpresare elkarteak 30.000 euroko dirulaguntza jasoko du 2026ean Bergarako Udalaren eskutik bere jarduerak sendotzeko eta zabaltzeko. Dirulaguntza urtarriletik abendura bitartean gauzatuko diren proiektu eta ekimenak finantzatzeko erabiliko da.

Bergarako Udalak hautaketa prozesua jarri du martxan Informatikako laguntzaile lanpostua aldi baterako betetzeko.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira LH-II edo Goi Mailako teknikari Espezialista izatea.

Bergarako Udalak San Martin Agirre plazako berrurbanizazio lanen kontratua adjudikatu dio Construcciones Zubieder SL enpresari, lehiaketa publikoan aurkeztutako eskaintzarik onena aurkeztu ondoren. Obrek 1.950.569,54 euroko (BEZ barne) aurrekontua izango dute, eta bost hilabeteko epean gauzatuko dira, hasiera akta sinatzen denetik zenbatzen hasita. Gaurkoz, apirilean hasteko aurreikuspenarekin ari dira lanean enpresako zein udaleko teknikariak.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta otsailaren 22an, igande honetan, 19:00etan, San Martin plazan egingo den elkarretaratzean parte hartzeko deia luzatzen die herritarrei.