Bergarako Udala-k Og, 2024-06-13 09:32-n bidalia
Bergarako Udalbatzak Udalbiltzaren Kontseilu Nagusiarekin bat egitea erabaki ostean, aipatutako erakunde nazional horrek bilkura ospatu berri du Etxarrin. Bertan, Udalbiltzara gehitu diren gainontzeko herriek bezala, Gorka Artola alkateak hitza hartu eta Udalbiltzaren baloreak eta helburuak goraipatu ditu.
Bergarako Udala-k Og, 2024-06-13 09:11-n bidalia
Bergarako Udal Euskaltegiak eskaintza zabala eskainiko du uda honetan euskara ikasten jarraitu ahal izateko. Horretarako, ikastaro ezberdinak antolatu ditu ekaina eta uztaila artean adin eta euskara maila ezberdineko bergararrentzako.
C1 eta B2 mailak lortzeko ikastaroei dagokienez, 9:00etatik 13:15era bitartean izango dira (80 ordu guztira). C1 ziurtagiria lortzen saiatzeko matrikula 85 eurotakoa izango da (2006-2008 bitartean jaiotakoek 20€ eta langabetuek 38€). B2a lortzen saiatzeko matrikula, berriz, 81 eurotakoa izango da (langabetuek 36€).
Bergarako Udala-k Az, 2024-06-12 08:26-n bidalia
Bergarako Udalak deituta, lan-munduan euskara sustatzeko egitasmoak lantzen diharduten herri eta eskualdeen lan-bilera ospatu da Bergaran, Miguel Altuna ikastetxean. Bileraren helburua, bata bestearen berri izatea eta aurrerantzean elkarrekin bidera litezkeen lan-ildoez gogoeta egitea izan da.
Honako programen bultzatzaileak izan ziren bertan: Oiartzungo Lanin, Oarsoaldeko Enpatikonomia, Bortzirietako lan-arloko euskara plana, Azpeitiko Langune, Pasaiako lan-arloko euskara plana; Arabako Lanabes, Debagoieneko Harixa eta Bergarako Harixa.
Bergarako Udala-k Ar, 2024-06-11 09:37-n bidalia
Bergarako Udalak asfaltatzen lanak egingo ditu herriko gune ezberdinetan hurrengo bost asteetan zehar. Matxiategi kalea (Matxiategi 1 paretik hilerri atzealderaino) eta Eladio Urdangarin kaleetan egingo dira lanok.
Lehenengo, Matxiategi kaleko zebrabideetako ibiak moldatuko dira irisgarriak izateko, eta ondoren asfaltatze lanekin hasiko gara. Asfaltatze lanak bukatu ostean, pintaketa lanak egingo dira.
Lan hauek 167.160 euroko aurrekontua izango dute eta Asfaltos Uribe S.A. enpresak egingo ditu.
Bergarako Udala-k Ar, 2024-06-11 08:38-n bidalia
Margarita Larrañaga bergararrak 100 urte bete berri dituen honetan, Bergarako alkate Gorka Artolaren eta Zihortza Marzan zinegotziaren bisita jaso du Mizpirualde egoitzan, bergarar guztion izenean zoriontzeko. Ugarrixa baserrian jaiotakoa, Isasi baserrira ezkondu zen, nahiz eta gero herrigunean bizi izan den urte luzez.
Zorionak Margarita!
Bergarako Udala-k Ar, 2024-06-11 08:28-n bidalia
1.993ean Oxirondo azokarako onartutako erregelamendua gaurkotu asmoz, Bergarako Udalak honen eguneraketa onartu du astelehen honetan ospatutako osoko bilkuran. Erregelamendu berritu horri esker, instalazio horiek gaur eguneko beharretara egokitu ahalko dira, espazioa erabilera berrietarako erabiltzea ahalbidetuz.
Bergarako Udala-k Al, 2024-06-10 10:17-n bidalia
DG2030 egitasmoaren barruan dagoen IKASTETXEKLIK proiektuaren ikasturte honetako itxiera saioa ospatu da duela egun gutxi.
IKASTETXEKLIK energiaren kontsumoa murrizteko proiektua da. Bertara proiektuan parte hartu duten eskualdeko ikastetxeetako ordezkariak joan ziren. Bergarako kasuan Aranzadi ikastola, Mariaren Lagundia ikastola eta San Martin eskolako ordezkariak.
Maite Usabiaga zinegotziak ikasleei banatu zizkien errekonozimendu ziurtagiriak. Zorionak egindako lanagatik!
Bergarako Udala-k Al, 2024-06-10 09:08-n bidalia
Bergarako Udalak eta herriko musika taldeek martxan jarritako ‘Loratzen’ diskoari jarraipena eman asmoz, larunbat honetan, ekainaren 15ean, zebait musika talde bergararrek kontzertuak eskainiko dituzte herriko txoko ezberdinetan.
13:00etan, Irizar jauregiko atzealdean, Diablues eta Bluezifer Band, Sin Ruta eta Add Blue taldeak arituko dira. 17:30ean, leku berdinean, DBQ, Golden Blues eta Hegazkin-en txanda izango da, eta, bukatzeko, 22:00etatik aurrera Fango, Azkaiter Pelox eta Orhi arituko dira Seminarixoan.
