Saio irekia: 'Nola erantzun Debagoieneko energiaren erronkari?'
Bergarako Udala-k Or, 2023-09-15 09:25-n bidalia
Debagoiena 2030 Garapen Iraunkorrerako Sarean trantsizio energetikoaren bueltan lanean dihardugu, eta pasa den urtean abiatutako Eraginez Piztu estrategiaren bigarren fasea martxan jartzera goaz.
Orain arte aztertu, landu eta hausnartutako zenbait gako, eta aurrera begirako asmoak partekatzeko irailaren 21ean, saio irekia antolatu dugu Bergarako Irizar jauregian, 9:30etik 12:30era.
2024ko Udal Egutegirako argazkiak aurkezteko epea irailaren 25era arte egongo da zabalik
Bergarako Udala-k Og, 2023-09-14 14:00-n bidalia
Urtero bezala aurten ere argitaratuko du Bergarako Udalak hurrengo urteko egutegia, herriko argazkilarien argazki ederrez hornitua. Hori dela eta, jakinarazten da, argazkiak aurkezteko epea irailaren 25era artekoa izango dela. Argazkiak aurkezteko baldintzak, berriz, honako hauek izango dira:
· Gaia: Gaia librea izango da. Edonola ere, argazkia Bergaran ateratakoa izan beharko da edo, gutxienez, Bergararekin lotutako motiboren bat agertu beharko da bertan: Bergarako herritarrak…
Lurzoru publikoa okupatzeko baimena eskatzeko epea ireki du Bergarako Udalak
Bergarako Udala-k Og, 2023-09-14 09:50-n bidalia
Bergarako Udalak abian jarri zituen bi deialdi lurzoru publikoa okupatzeko baimenak esleitzeko 2024 urteari begira. Jarraian zehaztutako jarduera ekonomikoekin okupatzeko aukera zabaldu da:
- Feriak (barrakak) instalatzeko
- Ogitartekoak, patata eta antzekoak ibilgailu batetik saltzeko
Deialdi bakoitzean epealdi batzuk zehaztu dira, eta horien artean, eskaerak aurkezteko epea (irailaren 29a) amaituta, zozketa egingo da baimenak lortzeko hurrenkera bat zehazteko.
Sokamuturra udaletxeko balkoitik - Zozketaren emaitzak
Bergarako Udala-k Az, 2023-09-13 17:36-n bidalia
‘Ekinola’ ekintzailetza jardunaldiak ospatuko dira hirugarren aldiz irailaren 27an
Bergarako Udala-k Az, 2023-09-13 10:49-n bidalia
Hirugarren urtez, 'EKINola Etorkizuna zure eskuetan’ ekintzailetza jardunaldiak ospatuko dira irailaren 27an Bergarako Miguel Altuna Lanbide Heziketa zentroan. Ideia berri eta berritzaileak dituzten eta ekintzaileak diren gazteei zuzendutako jardunaldiak dira; horien bidez, autoenpleguaren inguruan sentiberatze lanketa eginez, enpresen eta ekintzaileen arteko harremana sortu, elkar ezagutza sustatu, eta negozio ideia berritzaileak partekatu eta landu nahi dira.
Hileta zibilak egiteko gune berrirako obrak hasi ditu Bergarako Udalak
Bergarako Udala-k Ar, 2023-09-12 09:32-n bidalia
Laboratorium Museoaren atzealdean erortzear zegoen eraikin bat dago, iraganean zalditegia izandakoa. Orain, berriz, Bergarako Udalak berau birgaitu eta hileta zibilak eskaini ahal izateko obrak hasi ditu. Aurrekontua 202.120,82 eurokoa izango da eta lanek bost hilabetez irautea aurreikusi dute udal arduradunek.
Egurrezko egitura osoa berrituko da estalki berria sortzeko, eta, aldi berean, barrualdean komun bat eta biltegi bat sortuko dira. Estalkiaren azpian geratzen den espazioa erabat irekita geratuko da, alboko eraikinaren ondoko eremuan izan ezik.
Umeekin elkarlanean diseinatutako Zabalotegiko haur parke berria ireki du Bergarako Udalak
Bergarako Udala-k Al, 2023-09-11 11:40-n bidalia
Urte hasieran martxan jarritako Zabalotegiko haur parkeko obrak bukatu ditu Bergarako Udalak, eta, emaitza ikusteko, gune berrira bisita egin dute Udaleko zein Oinherri herri hezitzaileko ordezkariek joan den ostiralean. Izan ere, jolaserako eremu berri hau Bergarako haurrekin elkarlanean diseinatu zen proiektuaren hastapenetan.
Lanek bi atal izan dituzte: alde batetik, Zabalotegiko kioskoa birgaitu eta asfaltatze lanak egin dira 110.788,45 euroko aurrekontuarekin, eta, bestetik, kioskoaren inguruan jolas eremua antolatu da 47.899 euroko aurrekontuarekin.
Agorrosingo kiroldegiaren mantenu lanak egingo dira aste honetan
Bergarako Udala-k Al, 2023-09-11 09:39-n bidalia
Udako sasoia bukatuta, eta ikasturte berriari baldintza onetan hasi asmoz, Agorrosingo kiroldegiko urteroko garbiketa egingo da aste honetan, astelehenetik igandera bitartean. Horretarako, aipatutako egunetan kirol gunea eta taberna itxiko dira.
Kanpoko igerilekua zabalik mantenduko da, 15:00etatik 19:00etara, aldagelarik gabe eta irailaren 15a bitartean.
Harrera zerbitzua, berriz, irekita egongo da astelehenetik ostiralera, 12:30tik 19:00ak arte.
Orriak
- « lehenengoa
- ‹ aurrekoa
- …
- 67
- 68
- 69
- 70
- 71
- 72
- 73
- 74
- 75
- …
- hurrengoa ›
- azkena »