RSS jarioa

Uztaileko ostiraletan musikaz blaitzeko aukera

-k Az, 2024-06-26 16:58-n bidalia

Udan kultur eskaintza oparoa eskaintzen da Bergaran eta uztailean, bereziki, ostiraletako musika emanaldiek dute protagonismoa.

Ohikoa denez, Berumuga musika zikloak musika beltzaren munduko puntako taldeak ekartzen ditu eta aurten ere bide beretik jo du Bergarako Udalak Gaztelupeko hotsak elkartearekin elkarlanean osatutako kartelak.
Espoloian gaueko 22:00etan izango diren kontzertuei hasiera emango diena The Wynntown Marshals talde eskoziarra izango da, datorren asteko lehen ostiralean, uztailak 5.

  • Partekatu:

Ibargaraiko bidegorriaren obrak direla eta, erreil bat moztuko da datozen asteetan

-k Ar, 2024-06-25 11:07-n bidalia

Ibargarai eta San Antonio lotzen dituen bide zatian bidegorri zati berri baten obrak direla eta, erreil bat guztiz moztuta egongo obra iraun bitartean (4 hilabeteko aurreikuspena). Itxita egongo den noranzkoa herri barrurakoa da, beraz asteartetik aurrera (hilak 25), Antzuolatik etortzen diren autobusak bariantetik joan beharko dira eta geltoki nagusian gelditu beharko dira.

  • Partekatu:

Bergarako Udalak hainbat diru laguntza jarri ditu martxan udan euskara ikasi edo ikasketa osagarriak euskaraz egiteko

-k Al, 2024-06-17 12:19-n bidalia

Bergarako Udaleko Euskara Zerbitzuak hiru dirulaguntza mota emango ditu 2023-2024 ikasturtean edota 2024ko udan euskara ikasteko edota ikasketa osagarriak euskaraz egin dituztenei.

  • Partekatu:

Bergarako Udalak hainbat aholku eskaini ditu San Martzialetarako

-k Al, 2024-06-17 08:45-n bidalia

San Martzial jaia dela eta, bertako ermitan eta inguruko eremuetan udalak mantentze-lanak egin behar izaten ditu azken ordura arte (belarra moztu, guneak txukundu...). Horregatik, kuadrillen guneak zintekin “gordetzeko” dagoen ohitura ezingo da gauzatu datorren ekainaren 28ko 15:00ak baino lehen.

Aurretik dauden edo ordura arte jarriko diren denak kendu egingo dira mantentze lanek eskatzen duten heinean, eta udalak ez du inongo erantzukizunik izango aurretik jarritako “erreserba-zintak” kentzearren.

  • Partekatu:

Bergarako Udalak Lurralde Merkatuei buruzko Nazioarteko Jardunaldietan parte hartu du Madrilen

-k Or, 2024-06-14 07:09-n bidalia

Bergarako Udaleko eta tokiko elkarteetako ordezkariak Elikagaien Justiziak antolatutako jardunaldi batzuetan izan dira ostegun honetan Madrilen, merkatuen inguruan munduan dauden ereduei buruzko solasaldi ezberdinetan parte hartuz. Bergarako udal ordezkariek zein Ereindajan kooperatibako kideek Oxirondo merkatuaren birgaitzearen kasua aurkeztu diete bertaratutakoei.

  • Partekatu:

Orriak