Bergarako Udala-k Al, 2024-07-22 12:11-n bidalia
Uztailaren 27an, 12:00etan, Herbehereetako Ad Hoc orkestrak kontzertua eskainiko du Bergarako Espoloian. Ad Hoc oporretako orkestra 65 musikarik osatutako musika banda holandar bat da.
Herrira ongi etorria eman asmoz, Bergarako Udalak harrera egingo die kontzertuaren aurretik.
Bergarako Udala-k Al, 2024-07-22 11:42-n bidalia
Udako zenbait egunetan egin ohi duen beroak herritarren osasunean eragin ditzakeen arazoei aurre egin asmoz, Bergarako Udalak Beroaldiei aurre egiteko Plana aurkeztu du astelehen honetan. Aurten froga pilotu bezala landuko den arren, egitasmo honek ekainaren 11n aurkeztutako Bergarako Klima eta Energiari buruzko Tokiko Planaren atal bati erantzun nahi dio.
Bergarako Udala-k Og, 2024-07-18 13:50-n bidalia
Oxirondo azoka biziberritzeko asmoz, hainbat lan eta ekimen ezberdin garatu dira Bergarako Elikadura Mahaian. Horietako bat ‘Elikaenea’ da, irailetik aurrera Oxirondo berria ‘gorpuztu’ eta bergararrei plaza ireki bat eskainiko dien egitasmoa.
Bertan, herritarren, ekoizleen eta postuetako dendarien beharrei erantzungo dien herri-proiektua jarriko da martxan. Egitasmoaren nondik-norakoak aurkeztu asmoz, bisita ezberdinak antolatu dira datozen egunetarako herriko eragile, elkarte eta herritarrentzako.
