Bergarako Udala

Bergarako Seminarixoa zinema eta kulturaren topagune bihurtuko da datozen asteetan, film emanaldi eta aurkezpen bereziekin. Hona hemen egitarauaren xehetasunak:

Azaroak 23: GAUA

• Igandean, aurkezpen berezia: Yune Nogueiras aktore bergararra eta Paul Urkijo zuzendaria izango dira gurekin.
  • https://seminarixoa.eus/gertaera/gaua-2/

Abenduaren 3an: KARMELE

Oinherri Elkarteak Haurtzaroaren Nazioarteko eguna probestu nahi du, haurtzaroaren aldeko manifestua kaleratzeko eta bertan jasotzen diren ideiekin bat egiten duen oro, bertara batzeko gonbidapena egiten du.

1. Haurtzaroa historikoki eta kulturalki etengabe aldatzen den eraikuntza soziala da. Egun, bi iruditegien artean kokatzen da: bata, tradizionala, menpekotasuna nabarmentzen duena; bestea, garaikidea, haurren eskubideak eta erantzukizunak aitortzen dituena.

Bergarako Udalak gogorarazi nahi die herritarrei eta Bergarako merkatari zein ostalariei, sari eta laguntza modura banatutako eta 2025-12-31 iraungitze data duten udal bonoak, 2026ko urtarrilaren 15era arte likidatu ahal izango direla Udaletxean. Epe horren ondoren, ez dira onartuak izango eta ezingo dira trukatu edo ordaindu.

Antzuolako saneamendu kolektore berria eta udalerri hori Bergararekin lotzen duen bizikleta eta oinezkoentzako bidearen III. fasea batera eraikitzen hasi dira. Hala egiaztatu ahal izan dute gaur Gorka Artola eta Olatz Lezeta Bergara zein Antzuolako alkateek, Josu Bilbao Eusko Jaurlaritzako Ingurumen sailburuordeak eta Jose Ignacio Asensio Gipuzkoako Foru Aldundiko Jasangarritasun diputatuak, beren lantalde teknikoek lagunduta obra ingurunera egin duten bisitan. Obrak 2.700.000 euroko aurrekontua izango du.

Bergaran eman da jakitera 2026ko Itzulia Basque Country udalerri horretan amaituko dela, azken etapa Antzuolako Goizper enpresatik irten ondoren. Ibilbideak 133,7 kilometro edukiko ditu, eta bertako malda positiboa +3.000 metro ingurukoa izango da. Ibilbideak zirkuitua osatuko du, bi aldiz igaroko da Gorlatik zein Azkaratetik eta txirrindulariak bi leku desberdinetatik igoko dira Asentziora.

Bakardadea gure gizartean gero eta presenteago dagoen errealitatea da. Gipuzkoan, 55 urtetik gorako biztanleriaren ia %30ak bakardadea sentitzen du, nahiz eta %5,5ek soilik onartu. SoledadES Behatokiaren arabera, bakardade mailarik altuena 15-24 urte bitarteko gazteen artean aurkitzen da, eta 70 urtetik aurrera berriro igotzen da.

Bergarako Udaleko Euskara Zerbitzuak diru laguntza emango die 2025ean Eusko Jaurlaritzak homologatutako “Haur eta Gazteen Aisialdi Jardueratarako Begirale zein Zuzendari” titulua euskaraz lortu duten bergararrei.

Bergarako Udalak eta Bergara Kirol Elkarteak euskararen presentzia indartzeko ekimena jarri dute martxan kirol arloan. Horretarako, Goiena kooperatibarekin hitzarmena sinatu dute, helburua lortzeko aliatu gisa. Hiru erakundeek bat egiten dute euskararen sustapenean eta hizkuntza-ohiturak eraldatzeko erronkan.

Asteazken goizean 2025-2026 ikasturteko Eskola Agenda 2030 programaren hasierako udal foroa ospatu da Bergarako udalbatzan, Gorka Artola alkatea, Nagore Narbaiza teknikaria eta Bergarako ikastetxeetako ikasle ordezkariak elkartuz.

Ekitaldian, ikasleek aurreko ikasturtean landutako 12. Garapen Jasangarrirako Helburuaren (kontsumo eta ekoizpen arduratsua) diagnostikoaren emaitzak gogoratu dituzte, eta aurten aurrera eramango diren ekintza eraldatzaileak aurkeztu dira.

Azaroaren 20an, ostegunean, Bergarako Irizar Jauregian Itxaro Bordaren sorkuntzari begirada sakona eskainiko dio Jone Azkoaga Elejondok (Zarautz, 1.992) Goruetan bekaren azken sarituak, eta bertan izango da baita Itxaro Borda. Bordaren ibilbidea begirada safiko batetik aztertuko du Azkoagak. Ekitaldia azaroak 20ean, osteguna, ospatuko da Irizar jauregian, 18:00etatik aurrera, eta ez da izenik eman beharko.