Bergarako Udala

Laboratorium Museoa saritu dute Ibermuseoak Hezkuntza Sariaren XIII. edizioan. “Lorategian taupadak, museoaren oihartzunak: inklusiorako bidaia sentsoriala” proiektuagatik jaso du aitorpena Bergarako museoak, zentzumenen estimulazioan oinarritutako hezkuntza inklusiborako aurten abiatu duen proiektu berritzaileagatik.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira eskola graduatua titulua edo Lanbide Heziketako erdi mailako teknikari edo hortik gorako titulazioa izatea eta 2. hizkuntza eskakizunari dagokion euskara-maila izatea.

Bergarako Adineko Pertsonen Kontseiluak urteko bilera egingo du abenduaren 2an, 17:30etik 19:00etara, Udaletxeko Pleno Aretoan. Topaketa honek urtean zehar egindako lanaren balorazioa egiteko eta 2026rako lan-ildoak zehazteko aukera eskainiko du.

Indarkeria Matxista Ezabatzeko Nazioarteko Eguna dela eta, gogora ekarri nahi dugu Indarkeria matxistak beldurrezko eta lotsazko ingurunea sortzen duela, indarkeria jasaten dutenak bakartzeko eta isilarazteko joera du, eta biktimagileen zigorgabetasun-sentsazioa areagotzen du.

Bergarako Udalak abenduaren 3an ospatuko den Euskararen Egunerako ekimen bereziak antolatu ditu. Azaroaren amaieratik abenduaren erdialdera bitartean, herritarrek aukera izango dute filmez, solasaldiez eta liburu aurkezpenez gozatzeko, euskararen inguruko gogoeta eta esperientziak partekatuz.

Egitaraua:

Bergarako Udalak amaitutzat eman ditu Arrizuriaga jauregian kokatuko diren Txoko Feministarako eta kulturgunerako prozesu parte hartzaileak, eta, norabide horretan, hurrengo urratsak zehaztu ditu. Bi ekimenen bitartez, herriko kultur eskaintza indartzea eta emakumeen ahalduntzerako espazio propioa sortzea izango da helburua.

Olinpiar txapeldun Maialen Chourrautek bere esperientzia partekatuko du Bergaran datorren azaroaren 27an, osteguna, 17:00etan, Seminarixoan. Urarekiko lehen beldurretatik hasi eta munduko kirol-gailurrera iritsi arte, bere ibilbideak erakusten du bikaintasuna ez dela helmuga bakarra, baizik eta etengabeko lanaren, ikaskuntzaren eta balioen emaitza.

Hitzaldian, erresilientzia, motibazioa, talde lana eta egoera zailetan berrasmatzeko gaitasuna bezalako balioak izango ditu ardatz, pasioa eta motibazioa nola mantendu denboran zehar azalduz.

Asier K bakarrizketariak hiru orduko doako formakuntza praktikoa emango du abenduaren 2an Bergarako UNEDen (17:00etatik 20:00etara). Stand-uparen oinarriak, idazketa teknika berriak eta oholtza gaineko lehen urratsak lantzeko prestatuta dago saioa.

Izen-ematea azaroaren 27ra arte egongo da zabalik.

Informazio osoa Algarakaren webgunean dago eskuragarri: https://algaraka.eus/stand-up-tailerra/

Bergarako Udalak jakinarazi du herritarrei zuzendutako hitzaldi informatiboa egingo dela datorren asteazkenean, azaroaren 26ean, udaletxeko bilkura aretoan. Saioa 18:00etan hasiko da eta euskaraz izango da.

Saioan proiektuaren xehetasunak azalduko dira, ingurumenari eragin diezaioketen ondorio posibleak eta hemendik aurrera jarraituko diren izapide administratiboak.

Helburua da herritarrek informazioa zuzenean jasotzea eta zalantzak argitzeko aukera izatea.