Bergarako Udala

Bergarako Gaztelekua eta Ndank Ndank elkartea elkarlanean ari dira kulturartekotasuna ardatz duen esperientzia berezi bat antolatzen: 2009an jaiotako herriko gazte batzuek Senegalera bidaia egiteko aukera izango dute 2026ko uztaila hasieran.

Gaur goizean ospatu da kulturaren bidez gizarte-premiei erantzutea helburu duen ‘Estigmarik gabeko kultura’ topaketa Laboratorium Museoan. Saioa gizarte-sektoreko profesionalek eta Gertu Kulturako lantaldeko profesionalek dinamizatu dute. Topaketaren ondoren Laboratorium Museoa ezagutzeko bisita bat egin da.

Ekainaren 28an, LGTBIQ+ Kolektiboaren Sexu Askapenaren eta Harrotasunaren aldeko Nazioarteko Egunean, aniztasunetik eskubide eta bizikidetzarekin dugun konpromisoa berresten dugu, kolektiboaren eskubide eta askatasunen aitortzan lortutako aurrerapenak ospatuz.

Euskal jendartean azken urteotan sexu- eta genero-aniztasunaren onarpena handitu bada hainbat pertsona, elkarte, erakunde, kolektibo eta erakunderen etengabeko lan konprometituari esker lortu da.

Ezagutu ezazu 2025eko San Martzialetako egitaraua: san_martzialak_2025.pdf

Bergarako Udalak uda honetan musika eskaintza antolatu du Usondo parkean. USONDOKO KONTZERTUAK 2025 izeneko zikloak hiru emanaldi ekarriko ditu, formatu atseginean eta aire zabalean, musika estilo eta artista anitzak eskainiz.

Kontzertu guztiak 22:00etan hasiko dira eta sarrera librea izango da.

Uda sartu berri den honetan, Bergarak Berumuga jaialdiaren 25. edizioa ospatuko du uztail honetan. Berumugak urte luzez izan du musika independente eta ausartaren aldeko apustua, ohiko ibilbide komertzialetik urrun dauden soinuak Bergarara ekarriz. Aurtengo edizio bereziak, gainera, aurrekontu handiagoa izango du (15.000 eurotik 20.000 eurora igo da), Bergarako Udalaren babesari esker.

Bazkidetza kanpaina egiten ari da Berener, herritarrak Berenerrera batu eta instalazioen onuradun izan daitezen. San Martin eskolan eta Osintxun eguzki-plakak jarriko ditu Berenerrek, eta autokontsumo partekatua egin ahal izango dute instalazioetara batzen direnek.

Hori horrela, Mizpildi 2ko bulegoa (Ehundurena) zabalik egongo da honako egunetan, herritarrak bazkidetzeko eta interesatuen zalantzak argitzeko:
● Ekainak 30 (18:00-20:00)
● Uztailak 7 (18:00-20:00)
● Uztailak 14 (18:00-20:00)

Bergaran kokatutako ALKAR Lankidetza Guneak espazio bat eskaintzen du Debagoieneko eta Bergarako ekintzaileentzat, euren negozio-ideiak garatzeko eta elkarlanerako aukera berriak sortzeko helburuarekin.

Espazio hau Bergarako UNED eraikinean dago kokatuta, eta coworking edo lankidetza ereduan oinarritutako lan-ingurunea eskaintzen die ekintzaileei. Helburua da sinergiak sustatzea, ezagutzak partekatzea, elkarrekin ikasteko aukerak eskaintzea eta harreman profesionalak sendotzea.

Museoaren sarrerako lorategian, harrituta uzten gaitu azken hilabeteetan protagonista bihurtu den landare ikusgarriak: Agavea.

Hainbat espezie daude, baina denek dute bereizgarri hosto lodidunak, zorrotzak eta arantzak dituztela, eta urte asko igaro ondoren, loratzen direnean, ikusgarri bihurtzen dira.

Bergarako Udalak, 2023-2024 urteetan zehar, enplegu sustapenaren arloan inbertsio ezberdinak egin ditu udalerriko ekonomia eta garapen sozioekonomikoa indartzeko helburuarekin. Tokiko ekonomiaren diagnostiko eguneratua eta lan ildo estrategikoen ezarpena oinarri hartuta, hainbat ekimen eta laguntza programa jarri dira martxan, enpresa sareari, ekintzaileei eta herritarrei zuzenduta.

Enpresa sare sendo eta lehiakorra sustatzeko apustua

Udalak elkarlana bultzatu du Bergarako enpresa elkarteekin, euren jarduera ekonomikoa indartzeko laguntzen bidez.