Bergarako Udala-k Az, 2020-07-29 14:04-n bidalia
Osasun sailburuaren 2020ko uztailaren 28ko Aginduari jarraiki, ostalaritza eta jatetxe establezimendu eta zerbitzuetan, tabernak eta soziedadeak barne, ondorengoak bete beharko dira:
1.- Maskara uneoro erabiltzeko betebeharra; jateko edo edateko unean bakarrik kendu ahal da. Bestela erabili egin beharko da.
2.- Mahai eta mahai-multzoen artean 1,5 metroko distantzia fisikoa bermatu behar da.
3.- Mahai eta mahai-multzoen gehieneko okupazioa 10 pertsonakoa izango da (mahai bakoitzak 4-5 pertsona gehienez ere).
4.- Taberna barrura sartzea eta barruan zerbitzua ematea baimentzen da, bezeroen eta bezero taldeen artean 1,5 metroko distantzia fisikoa gordez gero.
5.- Tabernariek ziurtatu beharko dute bezeroen arteko segurtasun-tarte egokia mantentzen dela taberna barruko barra zein mahaietan, eta baita terrazetan ere.
6.- Ostalaritzako, jatetxeetako, txokoetako eta elkarte gastronomikoetako establezimenduek eta zerbitzuek goizaldeko 01:30a baino lehen itxi beharko dute.
7.- Terrazen ixteko ordutegia honakoa izango da: igandetik ostegunera 00:00ak eta jai egun eta bezperetan 01:30etan.
