Albisteak

Bergarako udal gobernuak 2024rako aurrekontu proiektua aurkeztu du, herria biziberritu eta bergararren bizi baldintzak hobetzen jarraitzeko. Horretarako, 33.120.743 euroko Aurrekontua izango du datorren urtean, eta dagoeneko gobernu taldeak oposizioari aurkeztu dizkio aurreikusita dituen proiektu eta diru partida nagusiak, beraien proposamenak jaso eta aztertzeko helburuarekin. Ondo bidean, 2024rako Aurrekontuak urtarrilean onartzea aurreikusi dute udal gobernuko ordezkariek.

Aurten ere, Bergarako Udalak herritarren argazkiekin osatutako egutegia argitaratu du, eta egunotan hasiko dira banatzen.

Banaketa etxe guztietara egingo da, eta herritarrei eskatzen zaie banatzaileei ataria zabaltzea, kanpoan utzi beharrik ez izateko. Egutegiak, ahal denean, buzoietan sartuko dira eta, hala egin ezin den kasuetan, atarian utziko dira multzoan. Horregatik, bizilagunei eskatzen zaie bakoitzak bakarra hartzeko.

Abenduaren 23an Gabonetako kontzertua ospatuko da udal pilotalekuan 20:30etik aurrera.

Sarrerak abenduaren 13tik aurrera jarriko dira salgai hurrengo lekuetan:

• Seminarixoa aretoko txarteldegian (San Martin plaza): abenduaren 13an eta abenduaren 20an 18:00tik 20:00ra bitartean.
• Online: www.seminarixoa.eus webgunetik (abenduaren 13an 18:30an zabalduko da).

Gabonak hurbiltzen ari diren honetan, Bergarako Udalak ekintza ezberdinez betetako egitaraua antolatu du Gabonetarako. Hori horrela, musika, antzerki, haurrentzako jolas eta kirol ekitaldiak izango dira ia hilabete osoan zehar..

2012an onartutako ‘Biodibertsitatearen aldeko konpromisoa’ egikaritzeko hainbat proiektu eraman ditu Bergarako Udalak azken urteetan, lur eremuak erosi eta bertako espezieak landatzea, esaterako. Orain, berriz, haratago joan nahi du Udalak, eta, lehen aldiz, elikagaien ekoizpenera bideratzeko lursailak erosiko ditu.

Ia bi urteko barne lanaren ostean, Oxirondo azoka berritua gorpuztuko duen ‘Elikaenea’ egitasmoa aurkeztu dute astelehen honetan Bergarako Udalak eta herriko Elikadura Mahaia osatzen duten hainbat eragilek.

Oxirondo biziberritzeko asmoa espazioaren berritze lanetatik harago doa, eta udaberritik aurrera bergarar guztiei ‘plaza’ ireki bat eskainiko die ‘Elikaenea’k. Herritarren, ekoizleen eta postuetako dendarien beharrei erantzungo dien herri-proiektua jarriko da martxan.

Gero eta arruntagoa da makina eta denetariko gailuei aginduak ahotsaren bidez ematea: hainbat etxetan daude jada Alexa, Cortana edo Google-en morroia (Google Assistant) bezalako gailuak, eta mugikorrekin edo autoekin ere ahots bidez komunikatzen gara. Hala ere, teknologia horiek garatzen dituzten enpresa handiek hizkuntza nagusiak bakarrik hartzen dituzte kontuan, euskara kanpo utziz.

Astelehen honetan ospatutako osoko bilkuran, Bergarako Udalak “zaintza unibertsala, justua, kalitatezkoa eta duina” aldarrikatu du mozio baten bidez. Ainhoa Lete alkateordeak aurkeztutako mozio horren arabera, zaintza sistema publiko komunitarioa eraikitzeko, behetik gora egiten den prozesu baten beharra daukagu, eta horretarako eztabaidaguneak, ezberdinen arteko harreman espazioak eta kontsentsuak topatzeko borondatea ezinbestekoak dira. Esaten denaz gain, egiten den moduak izugarrizko garrantzia du honelako herri erronka baten aurrean.

Asanbladan hala erabakita, Bergarako Udaleko langileak azaroaren 30erako deituta dagoen grebara gehituko dira. Hori dela eta, zenbait udal zerbitzutan eragina izan dezake horrek.

Debagoiena eskualdean baratzegintza profesionalean ari diren ekoizle txikiei laguntza eskaini asmoz, Landa Garapenak eta Debagoienako Udalek ‘Ortulaguntza’ zerbitzu berria martxan jarriko dute datozen asteetan. Helburua ekoizle txikiak lagundu, hauetan erreleboa bermatu eta proiektu berrien sorrera sustatzeko laguntza sistema martxan jartzea izango da, eta, horretarako, dagoeneko lan deialdia ireki dute.