Albisteak

Bergara prest dago 2025eko Erramu Zapatua ospatzeko, apirilaren 11n eta 12an herriko kaleak girotuko dituen egitarau oparo eta anitzarekin. Apirilaren 11n, ostirala, bertso zaletuek hitzordua izango dute 22:00etan, Seminarixoan, Oihana Iguaran, Beñat Gaztelumendi, Nerea Ibarzabal, Jon Maia eta Onintza Enbeita bertsolariekin osatutako bertso saioarekin. Gai jartzailea Txinbo izango da, eta Kopla Barik bertso-eskola izango du laguntzaile. Sarrera: 8 euro, eskuragarri www.seminarixoa.eus webgunean.

Gipuzkoako Foru Ogasunak jakinarazi du 2024ko errenta aitorpena egiteko epea 2025eko martxoaren 31tik ekainaren 30era bitartean izango dela. Aurten ere, herritarrek aukera izango dute aitorpena euskaraz egiteko, hiru bide nagusien bidez:

1- Ogasunaren proposamena onartuz: Ogasunak bidalitako proposamena jaso ondoren, onartzerakoan adierazi daiteke euskaraz nahi dela. Aurrerantzean, agiri guztiak euskaraz jasoko dira.

Bergarako Udalak  presazko bi lan eskaintza publikatu ditu:

Bergarako Udalak eta Jardun Elkarteak egitasmo berri bat jarriko dute abian, herriko merkataritza eta ostalaritza sektorean euskararen erabilera sustatzeko helburuarekin.

Egitasmoaren bidez, euskararen presentzia eta erabilera handitu nahi da herriko establezimenduetan. Horretarako, baliabideak eta gomendioak eskainiko zaizkie merkatariei eta ostalariei, eta prozesu osoan zehar Udaleko eta Jarduneko teknikarien laguntza izango dute.

Bergarako Udalak prozesu herritar bat jarriko du martxan datozen hilabeteetan Arrizuriagako eraikinaren erabilera kulturala definitzeko. Azken hilabeteetan herritar talde batekin barne mailan landutako proposamena eramango da mahai gainera, eta helburua da herritarrekin batera espazio kultural ireki, malgu eta partehartzailea eraikitzea, Bergarako komunitatearen behar artistiko eta kultural berriei erantzunez.

Martxoaren 20an eta 21ean izandako haizete bortitzek kalte handiak eragin zituzten Agorrosin kirol guneko igerileku estalian. Ondorioz, martxoaren 22an, segurtasuna bermatzeko neurriak hartu ostean, espazio gehienak berriz ireki zituzten arren, estalitako igerileku handia eta txikia itxita mantentzen dira.

Ostegun arratsaldean ospatu da Monzon-Ganuza 2025 sariaren banaketa ekitaldia, Bergarako Seminarixoa aretoan. Aurtengo edizioan, Amaia Zubiria musikaria omendu dute, euskal kulturari eta musikagintzari egin dion ekarpen paregabeagatik.

Laboratorium Museoak erakusketa iraunkorra handitu du Ipar Atlantikoko sardako balearen (Eubalaena glacialis) inguruan sakontzen duen modulu berritzaile batekin. Erakusketa iraunkor berriko moduluak, museoko piezarik nabarmenetako bat jarriko du balioan, euskal balearen hezurdura osoa. Zaharberritze tratamendua egindako orno bat erakusgai jarri da, Euskal Herriko historian eta kulturan funtsezkoa izan den animalia baten tamaina erreala ikusteko aukera eskainiz.

Bergarako udalerriko zergapekoei jakinarazten dizuegu 2025eko lehenengo hiruhileko Zabor, Estolderia eta Ura tasen erreziboak ordaintzeko  epea, lekuak eta medioak ondokoak direla:

Epea:

Ø  205eko martxoaren 31tik  2025eko ekainaren 6ra

Lekuak eta medioak:

Ø  Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2025eko ekainaren 6an.

Udal pilotalekuan pantaila erraldoia jarriko du Udalak, Eskuz binakako finala ikusi ahal izateko.

Pilotalekuko ateak 16:50etan zabalduko dira. Jaialdiko lehenengo partidua 5etan izango da.

Sarrera dohainik izango da.