Bergarako Udala-k Or, 2023-06-30 11:07-n bidalia
Etzi ospatuko da San Martzial eguna, eta urteroko eragin bera izango du trafikoan. San Martzialerako bidea trafikorako itxita egongo da 10:00etatik 11:00etara eta 21:00etatik 22:00etara; eta egun horretan ezingo da zelaira autorik sartu, bertara jeneroa daramatenak izan ezik.
Bergarako Udala-k Og, 2023-06-29 11:22-n bidalia
Musika izango du ardatz uztaileko kultur eskaintzak. Hilaren lehen egunean hasi eta denetariko emanaldiak antolatu dituzte. Egitaraua ‘Kokein’ taldearen kontzertuak hasiko du larunbat honetan, Usondo parkean; itxiera, berriz, ‘Sweet Marta & Johhnny Bigstone’ taldeak emango dio uztaileko azken ostiralean, Espoloian.
Bergarako Udala-k Az, 2023-06-28 13:41-n bidalia
Gaur, ekainak 28, LGTBIQ+ Harrotasunaren Nazioarteko Eguna da. Horren harira, hainbat ekimen prestatu ditu udalak: herriko markesinetan horma-irudi batzuk itsatsi ditu eta Domingo Irala kaleko faroletan telak jarri dituzte kolektiboaren banderaren koloreekin.
Bergarako Udala-k Ar, 2023-06-27 12:55-n bidalia
Baxe Nafarroako hainbat proiektu ezagutzeko bisita antolatu dute Bergarako Elikadura mahaitik. Egun hauetan bisitatzen ari dira jangelei lotutako proiektuak eta interes publikoko Garro ekoizpen kooperatiba.
Bergarako Udala-k Ar, 2023-06-27 12:19-n bidalia
Atzo arratsaldean ezohiko osoko bilkuran batu zen udalbatza, eta, besteak beste, erabaki zuten zein izango diren udaleko batzorde informatzaileetako lehendakariak: ‘Herritarrak’ batzordekoa Maite Usabiaga izango da; ‘Lurralde’ batzordekoa, berriz, Aitor Narbaiza; eta ‘Antolakuntza’ batzordeko lehendakaritza Ainhoa Letek hartuko du.
Bergarako Udala-k Al, 2023-06-26 11:49-n bidalia
Datorren astelehenetik (uztailaren 3tik) aurrera udako ordutegia izango du B@Zek, Bergararren Arreta Zerbitzu integralak.
Goizetik eguerdira egongo da zabalik, zehazki, 07:30etatik 14:30era. Udako ordutegia datorren astelehenean hasiko da, eta irailaren 15era bitarte iraungo du.
