RSS jarioa

Ekainaren 15etik abuztuaren 16ra ordaindu beharko dira merkatu eta merkatu-txikia tasen bigarren hiruhilekoko erreziboak

-k Az, 2023-06-14 11:10-n bidalia

Merkatu eta Merkatu-txikia tasen 2023ko 2. hiruhileko erreziboak ordaintzeko  epea, lekuak eta medioak ondokoak direla:

Epea:

Ø  2023ko ekainaren 15etik  2023ko abuztuaren 16ra

 

Lekuak eta medioak: 

Ø  Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2023ko abuztuaren 16an.

  • Partekatu:

Odol emaileen nazioarteko eguna da gaur

-k Az, 2023-06-14 10:01-n bidalia

Gaur, ekainaren 14a, odol emaileen nazioarteko eguna da. Bergarako odol emaileen elkarteak garrantzia eman nahi dio emaileen “balio altruistari” eta herritarrei ezagutarazi nahi die horien jarduna. 

Bestalde, uda garaian jaitsi egiten da emaileen kopurua eta, bide beretik, behera egiten dute odol erreserbek. Egoera horren aurrean eskatu dute ohiko emaileek jarraikortasunez ematen jarraitzeko, eta ematen ez dutenak animatu nahi dituzte elkartasun keinua egitera. Horrez gain, belaunaldi berrietan odola emateko ohitura sustatzearen garrantzia nabarmendu dute elkartetik.

  • Partekatu:

Aurrera begirako bi erronka eta zazpi lan ildo aurkeztu ditu segregazioa lantzeko taldeak

-k Az, 2023-06-14 09:31-n bidalia

2021ean Hezkuntza Mahaia sortu zen Bergaran, herriko hezkuntza formal eta ez formaleko ikastetxe eta eragileez osatua. Eta 2022an segregazioaren auziari konponbide bat emateko ibilbidea hasi zuen, eta berariaz lanketa hau egiteko lantalde bat sortu zen.  

  • Partekatu:

Zabalik dago epea izena emateko Udal euskaltegiko udako ikastaro trinkoetan

-k Ar, 2023-06-13 12:38-n bidalia

Zabalik dago udal euskaltegiko udako ikastaro trinkoetan izena emateko epea. Ekainaren 22a izango da izena emateko azken eguna, eta hainbat modutan egin daiteke: telefonoz, helbide elektronikoz edo euskaltegiko bulegora bertaratuz. Ikastaro trinkoak egiteko aukera dago B1, B2 eta C1 mailetan. 

Eskolak ekainaren 26an (astelehena) hasiko dituzte eta uztailaren 20a izango da azken eguna; klaseak goizeko 09:00etatik 13:00etara izango dira. Ikastaroen prezioa aldatu egiten da mailaren arabera: C1 mailan 85 eurokoa da, eta B1-B2 mailetan, berriz, 80 eurokoa.

  • Partekatu:

Aste bukaeran hasiko dira Ibargaraiko autobus geltokitik Urteagarantz joango den bidegorriaren lanak

-k Al, 2023-06-12 13:20-n bidalia

Aste honen amaieran hasiko dituzte Ibargaraiko autobus geltokitik Urteagarantz joango den bidegorriaren lanak. Obra zatika egingo dute eta zenbait eragozpen sortuko ditu lanek irauten duten bitartean. 

Lehenik, ondoko eraikinen espaloiak berrituko dituzte. Tarte bakoitzeko lanak egin bitartean, moztu egingo da oinezkoen pasabidea. Bestalde, ibilgailuentzat bi norabideak mantenduko dira, baina bidea metro bat estutuko da norabide bakoitzean lanak egin ahal izateko. Behin-behineko seinaleak ezarriko dira. 

  • Partekatu:

Indarkeriazko gertakariak aztertzeko tresna aurkeztu du Bizikidetza Mahaiak

-k La, 2023-06-10 12:42-n bidalia

Bergarako Udala osatzen duten alderdiek bizikidetzaren inguruko elkarrizketa politikoa egin dute, eta prozesua azaltzen duen kontakizun korala ere egin dute.

Gaur goizean agerraldia egin dute udalbatza osatzen duten hiru alderdietako ordezkariek, Bizikidetza Mahaia osatzen dutenek, eta egindako ibilbideak emandakoa ezagutzera eman dute. Duela bi urte jarri zuten martxan ekimena, eta hilero elkartzen aritu dira kanpoko erraztaile batek lagundutako bi orduko elkarrizketa-saioetan. 

  • Partekatu:

Datozen bi asteazkenetan mahaiak eta aulkiak alokairuan hartzeko aukera izango da San Martzial erromeriarako

-k Or, 2023-06-09 12:26-n bidalia

Uztailaren 2an izango da San Martzial erromeria eta herritarrek bertarako mahaiak eta aulkiak alokairuan hartzeko aukera izango dute datozen bi asteazkenetan: ekainaren 14an eta 21ean. Eskaera Seminarixoko lehiatilan egin beharko da, 18:00etatik 20:00etara. 

  • Mahai bat eta zortzi aulki alokatzeak 25 euroko prezioa izango du.
  • Eskatzaile bakoitzak 150 euroko fidantza jarri beharko du hiru mahai arte. 

  • Hortik gora eskatuz gero 300 euroko izango da fidantza (hau da, lau edo bost mahai hartu, fidantza 300 euro izango da.

  • Partekatu:

Ostiralean zabalduko dute Agorrosingo kanpoko igerilekua

-k Az, 2023-06-07 13:29-n bidalia

Uda gainean da eta ostiralean, ekainaren 9an, Agorrosingo kanpoko igerilekua irekiko dute. Irailaren 15era bitarte egongo da zabalik.

Kanpoko igerilekua zabalik egongo da 10:00etatik 20:00etara (berdegunea, berriz, 10:00etatik 20:30era). Hori dela eta,  Agorrosin Ekintza Guneko ordutegia ere pixka bat aldatu egingo da: astegunetan 6:30etatik 21:25era bitartean irekiko dute, ohi bezala; udako asteburu, jai egun eta abuztu osoko ordutegia, berriz, 9:00etatik 21.00etara izango da.

  • Partekatu:

Orriak