Albisteak

Bergarako Udalbatza Osoak ezohiko batzarra egingo du, maiatzaren 2an, 08:00etan, Udaletxeko Pleno Aretoan

Gai-zerrenda:
1.- Hauteskunde mahaiak osatzeko zozketa.

Auzo-taxi programarako diru-laguntzen oinarriak argitaratu dira. Laguntza hauen xedea da garraio publikoko zerbitzu erregularra erabiltzerik ez duten landa-auzoetako biztanleei udalerri barruan bidaiatzeko taxia erabiltzeagatik diru laguntzen emakida arautzea.

Ekainaren 8ra arteko epea dago Bergarako Udalak Arizondo argazkizale elkartearen laguntzarekin antolatutako XXXII. Kirol Argazki Lehiaketan parte hartzeko.

Apirilaren 24an egin duen ohiko osoko bilkuran Kukubaso elkartearekin elkarlanerako hitzarmena onartu du Bergarako udalbatzak. Hitzarmenaren helburua da Bergarako basoen berreskurapenerako marko estrategiko integral berria ezartzea bertako basoen aldeko politikak garatu, sentsibilizazioa egin eta biodibertsitatea zaintzeko.

2023ko Pentekoste jaietako egitarauaren azala egiteko lehiaketa egin ondoren, aurkeztutako proposamenen artean herritarrek bat hautatzeko prozesua zabaldu da apirilaren 24an. Webgune honetan daude ikusgai. Apirilaren 27ko, osteguna, 23:00ak arte eman daiteke botoa webgunean bertan.

Erorikoak dira lesio eragile nagusiak EAEko 64 urtetik gorako adinekoetan. Arazo horren garrantzia kontuan hartuta, erorikoei aurrea hartzeko tailer batzuk antolatu dituzte Bergarako Udalak Osakidetzaren Osasun-zentroekin eta Eusko Jaurlaritzaren Osasun Sailarekin batera erorikoen kopurua gutxitzeko asmoz. 

Udalaren Youtube kanalaren bidez ere jarraitu ahal izango da bilera zuzenean.

Apirilaren 29 Belaunaldi arteko Nazioarteko Eguna izango da, eta horren testuinguruan, bezperan, hau da, 28an, gaztetxo eta nagusiekin jolas ekitaldia antolatu da, 17:30ean, azokan.

Bi diru-laguntza mota emango dira. Batetik, enpresa berriek lokala alokatzeko diru-laguntza (20.000 eurokoa). Bestetik, Bergaran finkatuta dauden enpresentzako diru-laguntzak, Eragin programa (30.000 eurokoa). 

Aurtengo udarako ere haur eta gaztetxoei zuzendutako aisialdirako eskaintza prestatu du Bergarako Udalak. Askotarikoak dira proposamenak, guztiak ere herrian egiteko, eta euskaraz. Herritarren batzordeko lehendakari Ekaitz Aranberrik azaldu duenez, “kalitatezko eskaintza osatzen ahalegindu gara. Iaz genionaren ildotik, uste dugulako herritarrek, eta kasu honetan haurrek eta gaztetxoek, hori behar eta merezi dutela. Berrikuntza bat ere badakar aurtengo eskaintzak, izan ere arte udalekuetarako eskaintza gehitu diogu, BEARTen bitartez”.