Albisteak

Energiak eta jasangarritasunak sortzen duten kezka sozialari erantzunez, Bergarak aipatutako gaien inguruko bi erakusketa izango ditu ikusgai datozen egunetan. Alde batetik, herriko hiru ikastetxeetako ikasleek Bergarako Eskolako Agenda 2030aren baitan egindakoa eta Agorrosingo kiroldegian ikus daitekeena, eta, bestetik, ‘Iraunkortasunari Hamaika Begirada’ izenekoa, Debagoieneko egoera eta aukera energetikoak aztertuko dituena, Laboratorium museoan.

Tabakismoaren epidemia murrizteko asmoz, Bergarako Udalak, Bergarako osasun-zentroak eta ‘Minbiziaren Aurka Gipuzkoan’ elkarteak, Tabakorik Gabeko Mundu Eguna aprobetxatuko dute bizitza osasuntsu baten alde elkarlanean lan egiten jarraitzeko. Horretarako, maiatzaren 31n, Boni Laskurain pasealekuan, informazio gunea jarriko dute tabakoaren eta horrekin lotutako produktuen kearen arriskuez herritarrak kontzientziatzeko. Mahai informatibo hori goizeko 10:30etatik 13:45era bitartean egongo da.

Koldo Eleizalde lehiaketaren XXXIX. Edizioaren sari banaketa ospatuko da Bergaran asteburu honetan. Sari-emate ekitaldia maiatzaren 26an, igandea, izango da, eguerdiko 12:00etan, Seminarixoan. Ekitaldia Youtuben ere ikusi ahal izango da, ‘Bergarako Udala’ kanalean. Ekitaldiaren izena: Koldo Eleizalde sari emate ekitaldia.

331 lan jaso dira guztira edizio honetan. Aurreko urteetako parte hartzearekin alderatuta, beherakada izan da lan idatzietan eta igoera nabarmena interpretazio arloan: antzerkian eta ipuin-kontaketan.

Gaur, maiatzak 17, LGTBI fobiaren aurkako nazioarteko egunaren harira, Bergarako udalbatzak hurrengo adierazpen instituzionala onartu du aho batez:

Bergarako auzoguneetako herritarrek (Angiozar, Ubera, Osintxu, Elorregi, ...) Pentekosteez gozatu ahal dezaten, Bergarako Udalak auzotaxi zerbitzua eskainiko du gauez egun hauetan zehar. Horretarako, zerbitzua erabili nahi dutenek Ibargarai kaleko taxi geltokira hurbildu beharko dira. Zerbitzuaren prezioa 16 eurokoa izango da eta Udalak 9 euro ordainduko ditu, gainontzekoa, berriz, erabiltzaileak ordaindu beharko du.

Pentekoste jaietan eraso matxistei aurre egin asmoz, Bergarako Udalak eta herriko mugimendu feministak ‘Aske Maite Haut’ kanpaina aurkeztu dute asteazken honetan ospatutako prentsaurreko batean. Izan ere, jaietan indarkeria matxista prebenitzeko eta artatzeko gida bat aurkeztu dute bi aldeek.

Bergarar estimatuak,

Urtero bezala, udaberriak aurrera egin ahala Pentekosteak heltzen zaizkigu Bergarara. Egun batzuez, ardurak eta ezinegonak albo batera utzi eta gure herriko jaiez gozatzeko ahalegina egiten dugu guztiok, izan ere, komunitate bezala batzen gaituzten loturak elkartzeko, ospatzeko eta sendotzeko uneak izaten dira. Ez dakizue zein ederra den txupinazoan udaletxeko balkoitik zuen irrifarrak ikustea.

2023an hasi eta 2024an jarraipena izango duen Erremontari Herriz Herri proiektuak aukera paregabea eskainiko digu Euskal Herriko hainbat herrietara iristeko. ETBren laguntzarekin, Erremontari saioak erremontea euskal herritarren artean ezagunago egitea lortu du. Hori dela eta, erremontea beste herri batzuetara zabaldu nahi izan dugu, jendeari kirol hau modu zuzenean eta ikusgarrian ezagutzeko aukera emanez.

Arane Erreka kalean dauden hiru aligustre ( Ligustrum japónica) kendu beharko ditu Bergarako Udalak datozen egunetan hauen osasun arazoengatik. Horien ordez, beste hiru elorri landatuko dira jarraian.

Izan ere, aipatutako hiru aligustreetatik bat erabat lehortu da. Haren ondoan dagoenak ere (2, zenbakiko atariaren ondoan) arrama batzuk ere sikuak ditu.

Horien ordez, Arane Erreka kaleko hasieran elorriekin ( Crataegus laevigata Paul´s Scarlet) alineazioa jarraitzea erabaki dute udal arduradunek, kale guztian espezie berdina egon dadin.

Asteburu honetan Bergaran ospatuko diren Petekoste jaiak direla eta, Mugikortasuneko, Turismoko eta Lurralde Antolaketako Departamentuak garraio publikoaren zerbitzua indartzea erabaki du, gaueko zerbitzua jarriz.