webmaster-k Og, 2025-09-25 15:42-n bidalia
Ostegun honetan ospatu dira gazteei bideratutako ‘Ekinola’ ekintzailetza jardunaldiak Bergaran, eta, bere bostgarren edizioan, Bergarako Udalak mende bat baino gehiago duen Mujika Burdindegia omendu du, duela mende bat hasi zen proiektuari azken urteetan emandako bultzadagatik.
webmaster-k Og, 2025-09-25 09:35-n bidalia
Bergarako Udalak ikasturte berriari zaintza ardatz estrategiko gisa hartuta ekingo dio, udal gobernuak ikasturte politiko berriaren hasieran adierazi duenez. Gobernu taldearen arabera, zaintza ez da soilik zerbitzu publikoen antolaketa izango, baizik eta bizitza komunitarioaren antolaketa, harremanak, espazioak, hizkuntza, kultura eta bizikidetza zaintzea. Ikuspegi horretatik, udal gobernuak arlo guztietan zaintza ekosistema bat ehuntzen jarraituko du, Bergara bizigarriago bat eraiki asmoz.
webmaster-k Az, 2025-09-24 14:05-n bidalia
Urriaren 1ean ospatzen den Adineko Pertsonen Nazioarteko Eguna dela eta, Bergarako Udalak eta adinekoen arloan lanean diharduten herriko hainbat eragilek egitarau zabala antolatu dute. Helburua da adineko pertsonak ikusaraztea, gizarte justuago baten alde egitea eta adinekoen eskubideak, esperientzia eta jakituria balioan jartzea.
webmaster-k Az, 2025-09-24 11:13-n bidalia
Bergarako Udalak mintzapraktika taldeak martxan jarriko ditu, hizkuntzak ikasten ari diren herritarrei ikaskuntza prozesua errazteko helburuarekin. Ekimen honen bidez, ikasleek ikasten ari diren hizkuntza praktikan jartzeko aukera izango dute, modu errazean eta informalean.
Hizkuntzak ikasteko prozesuan, askotan, ikasleek zailtasunak izaten dituzte ikasitakoa praktikan jartzeko. Mintzapraktika taldeek hutsune hori betetzea dute helburu, eta horretarako, astean behin eta ordubetez elkartuko dira parte-hartzaileak.
