Bergarako Udala

Gizarte, kultura eta kirol arloan lan egiten duten asmo irabazirik gabeko elkarte zein eragileentzat diru laguntza deialdi bateratua aurkeztu du aurten ere Bergarako Udalak. Laguntza hauen bitartez, aipatutako arloetan lanean diharduten eragile zein elkarteek urteko finantzaketarako diru sarrera garrantzitsua jaso ahalko dute.

Udalerri honetan bizi diren hautesleei jakinarazten zaie 2024ko apirilaren 21ean, Eusko Legebiltzarrerako hauteskundeetarako hautesle-errolda erakusgai egongo dela 2024ko martxoaren 4tik 11ra (biak barne) BAZ-ean, interesatuek aztertu eta erreklamazioak aurkez ditzaten.

Ostegun honetan, martxoaren 7an, jasoko du Jose Mari Esparza (Tafalla. 1.951) idazle eta editoreak Olaso Dorrea Fundazioak eta Bergarako Udalak batera lantzen duten ‘Monzon-Ganuza. Euskal Utopikoei Saria’. Ekitaldia Bergararako Seminarixoa aretoan ospatuko da 18:30etik aurrera, eta Esparzak berak ere parte hartuko du bertan.

Bergarako Laboratorium Museoak eta Jakiunde-k, Euskal Herriko Zientzia, Arte eta Letren Akademiak, ‘24 emakume-mujeres-femmes’ erakusketa aurkeztu dute astelehen honetan museo bergararraren kanpoaldean. Martxoaren 4tik 31ra izango da ikusgai, eta Jakiundeko zenbait kideren 24 argazkiren bitartez, emakumeek zientzietan, arteetan eta letretan duten papera ikusarazi nahi du Euskal Herriko kaleetan eta plazetan. Erakusketa museoaren kanpoaldean instalatu diren plaka batzuen bitartez ikusi ahalko da, eta solasaldi bat zein ikasleei zuzendutako bisita gidatuak eskainiko dira.

Bergarako Udalak bi diru-laguntza jarri ditu abian herriko pertsona edo enpresa ekintzaileei bideratuta. Batetik, enpresa berriek lokala alokatzeko diru-laguntza (20.000 eurokoa). Bestetik, Bergaran finkatuta dauden enpresentzako diru-laguntzak, Eragin programa (30.000 eurokoa). Deialdi hauetarako eskaerak abenduaren 1ean bukatuko dira.

Martxoak 8ko Emakumeen Nazioarteko Egunaren harira, Bergarako Berdintasun Kontseiluak egitarau oparoa antolatu dute datozen egunetarako.

Hemen kontsulta dezakezu:

Bergarako Udalak Osasun Sarearen bilera berri bat deitu du asteazken honetarako, otsailaren 28rako. Bertan, Bergarako herriaren bizigarritasun maila hobetzeko ekarpenak egin ditzaketen norbanako zein elkarte eta eragile desberdinak daude gonbidatuta. Azken bileran hamalau erakunde desberdinetako ordezkariak elkartu ziren.

Olaso Dorrea Fundazioak eta Bergarako Udalak ematen duten Monzon-Ganuza Euskal utopikoei aurtengo saria Jose Mari Esparzak jasoko du martxoaren 7an, 18:30ean, Bergarako Seminarixoa aretoan egingo den ekitaldian.

Asteleheneko 12:00etatik eta hurrengo 24 orduetan, Eusko Jaurlaritzak alerta laranja aktibatuko du euri kopuruagatik. Iragarpenen arabera, gainera, Bergaran eta inguruetan 80 litro/orduko bota ditzake datozen orduetan.

Bergarako Udalak hainbat herritarrek kirolaren alde egiten duten edo egin izan duten lana eskertzeko, edota kirol arloan lortutako emaitzak saritzeko, Bergarako Kirol Zerbitzuko “Ohorezko abonatu txartela” kanpainaren bigarren edizioa ospatu du.

Aurtengo irabazleak Ane Alberdi Lopez de la Torre infantil mailako igerilaria, Ritxar de Goñi Ripa triatloilaria, Eider Elorza Sanz eskubaloi jokalaria, Ander Uriarte mendi kirolaria eta Nerea Agirrezabal Urrutia arraunlaria izan dira.