webmaster-k Al, 2026-03-09 09:41-n bidalia
Bergarako Udalak Pentekoste Jaiak antolatzeko lanak abian jarri ditu, eta horren baitan, bergarar guztiei irekita egongo den bilera deitu du datorren martxoaren 11n, asteazkena, arratsaldeko 18:00etan, udaletxeko Pleno Aretoan.
Topaketa honen helburua jaietako antolaketan parte hartzeko aukera zabaltzea da, herritarren ekarpenak, ideiak eta iradokizunak entzunez. Udalak herritarren parte hartzea sustatu nahi du, Pentekosteak guztion artean diseinatu eta bergarar guztien beharrak eta nahiak kontuan hartuta antolatzeko.
