Albisteak

Isil-isilik, oraindik ilun zela hasi zen biltzen jendea. Batzuk kotxez, hiruzpalau kamioiarekin, bizikletaz gehienak. goizeko hotzak ez zuen jendea beldurtu.

Iepa! Egunon. Hi be bai? Dotore etorri haiz erreka zuluan ibiltzeko! Atzo zer? Geroz eta jende gehiago.

Berehala taldeak egin eta bakoitza bere lekura abiatu zen: zuei tokau jatzuen lekuan ikusiko dituzue arraiñak, guanterik bihar dozue? hartu plastikuak! Errekara danok.

Sari banaketa 20:00tatik aurrera izango da Aroztegi aretoan. Erakusketa urriaren 18tik azaroaren 3ra arte izango da irekita.

Ikusi argazkiok Facebook-en

Azaroaren 7a da publizitatea jarri nahi dutenek eskaera egiteko azken eguna. Bergarako Udaleko Euskara Zerbitzuarengana jo behar dute interesdunek.

Urtero bezala, Bergarako Udalak herritarren argazkiekin osatutako egutegia aterako du 2014rako ere eta, aurten ere, bertan publizitatea jartzeko aukera izango dute hala nahi duten herriko dendari, ostalari, enpresa, talde, ikastetxe eta abarrek.

• Urriak 16: Hitzaldia "Deba Ibaiaren egoera eta etorkizuna. Arrain populazioak".
• Urriak 19: Bisita gidatua Mekolaldeko araztegira.

Hitzaldia: Deba Ibaiaren egoera eta etorkizuna. Arrain populazioak.

Hitzaldia naturazaleentzat zein arrantza zaletasuna daukanentzat da bereziki interesgarria.

Espoloiko hainbat bizilagunek auzo honetako zuhaitzetan aurkitzen den eltxo motaren aurkako neurriak hartzeko eskatu diote Udalari. Ohar honen bidez, egoera honen berri eman nahi zaie herritarrei.

Platano zuhaitzen hostoetan oso ugaria den "platanoen tigrea" (Corythucha ciliata) eltxoa asko ugaldu dela eta, horri aurre egiteko neurriak hartzeko eskatzera joan dira Espoloiko hainbat biztanle Udaletxera. Hala ere, Udalak adierazi nahi du urte sasoi honetan ezin daitekeela tratamendu hori burutu.

Bergarako udalerriko Ekonomia Jardueren gaineko Zergaren 2013ko erreziboak ordaintzeko epea, lekuak eta medioak ondokoak dira.

Epea:

2013ko urriaren 7tik 2013ko azaroaren 20ra.

Lekuak eta medioak:

Helbideratutako erreziboak, baimendutako finantza erakundeetan eta zergapekoak agindutako kontu korrontean zordunduko dira 2013ko azaroaren 20an.

Azken urteetako kanpainarik arrakastatsuena izan da.

Aurtengo udako kanpainan iazkoan baino 4.000 bisita gehiago jaso dituzte Agorrosingo berdeguneak eta kanpoko igerilekuak. Guztira, 94.473 sarrera izan dira, bataz beste 1.008 bisita egunean.

Hilabeterik arrakastatsuena uztaila izan da, abuztua, berriz, zenbaki txarrenak lortu dituena. Zentzu honetan, eguraldiak izan duen eragina naberma izan da.

Abonuei dagokienean, 4.829 abonu izan dira; iaz baino 103 gutxiago.

Programan parte hartzea dohakoa da eta nahi duten guztiek parte har dezakete. Mintzapraktikek euskara praktikatzeko aukera ematen diete bere inguruan euskaraz berba egiteko aukerarik ez duten pertsonei.

Etxebizitzen zozketa urriaren 15ean, asteartea, arratsaldeko 7etan, Udaletxeko Pleno Aretoan egingo da.

Jarraian argitaratzen dira 2013ko ekainaren 13an emandako Dekretuaren bidez onartutako 24-B areako eta 24C.1 exekuzio unitateko B (2. atarian) eta C-1 partzeletan eraikiko diren babes publikoko erregimen tasatuko 13 etxebizitza eta dagokien garajeen zozketarako aurkeztu direnen zerrenda (onartuak eta ez onartuak bereiztuz).

Bergarako Udalak KAFE KONPON egitasmoa jarriko du martxan. Egitasmo honen helburua berrerabilpenaren filosofia zabaltzea da. Normalean, etxean ditugun elektratresna txikiak (sikagailua, plantxa...) hondatzen direnean bota eta berriak erosten ditugu.
Bada, egitasmo honen helburua bertaratzen direnen artean jendeak eramaten dituen traste zaharrak konpontzea eta berrerabiltzea da. Guztia kafe goxo baten inguruan.
Horretarako herriko hainbat "manitas-txapuzas"-ekin harremanetan jarri da udala, eta egia esan harrera ona izan du egitasmoak.