Albisteak

Udaberrian bete-betean sartuta eta udarako bidean gauden garaian, herriko hainbat lorategi eta berdegunetan sasoiko landareak jarriko ditu Bergarako Udalaren lorezaintza zerbitzuak.

Gure udalerria apainduko duten loreen artean sasoiko 25 landare mota izango dira, besteak beste begoniak, salvia, zinnia, scaveola, ageratum, berbena, santivalia, cineraria edota gaura.

Guztira 300 metro karratuko azalera landatuko dira eta horretarako 6.795 euro bideratu ditu Udalak.

Kutxazain automatikoak lurzoru publikoa okupatzeagatik ordaindu beharreko tasaren 2104ko epea maiatzaren 16tik uztailaren 16a bitartekoa izango da.

Erreziboak helbideratuta dituztenei uztailaren 16an zordunduko zaizkie tasa, baimendutako finantza erakunde eta kontu korrontean.

Bergarako Udalak herriguneko leiho eta balkoiak apaintzeko lehenengo lehiaketa antolatu du
 

1. Helburua

Deialdi honen helburua balkoiak eta leihoak zaintzea eta hauek apaintzen jarraitzeko ohitura berreskuratzea da, baita ere apainketak ingurugiroari eta herriaren itxurari ekartzen dizkion onurak balioan jartzea.
 

2. Partehartzaileak

Lehiaketan Bergaran dauden etxebizitzen jabe edo errentariek parte hartu dezakete. Leiho eta balkoi hauek apainduta egoteaz gain ezin diote inolako arriskurik sortu oinezkoei.

Hile honetan ere, hileko bigarren asteazkenetan egiten dugun moduan, KAFEKONPON egitasmoaren hitzordu berria daukagu San Joxepe jubilatuen elkartean.
Zahar, gazte, gizon zein emakume... elkartu, kafe goxoa hartu eta elkarrekin etxean hondatuta dituzten traste zaharrak konpontzeko aukera paregabea.
Erabili, berrerabili, konpondu eta berrerabili... Gauza guztiek balio dutelako!!

Asteazkenean, maiatzak 14, 16:00tik aurrera San Joxepe jubilatuen egoitzan, 1. pisuan.
Zatoz!

Maiatza loreen hilabetea omen da askoren esanetan eta aurtengoan hala izango da Bergaran ere, lehen aldiz Bergarako leihoak eta balkoiak apaintzeko lehiaketa egingo baita aurten. Horrekin batera, lore eta landare azoka eta helduentzako zein gaztetxoentzako tailerrak ere izango dira.

Ibargarai kalea eta Seminarioko patioa izango dira aurtengo bigarren Kirola kaleraren egunaren eszenatokiak.

Herriko elakrteen partaidetzarekin, goizeko hamaiketatik eguerdiko ordubiak arte, hurbiltzen diren guztiak, aukera izango dute jarduera fisiko eta kirola parktikatzeko.

Ikusi aurreko Kirola kalera egueko bideoa.

Hauxe da, alkatearen aginduz, publikatutako iragarki ofiziala (jaitsi word dokumentua):

“Gure seme-alaba nerabezarora iritsi dira; dagoeneko ez dute gurasoen premiarik? beraien heziketan nola jokatzen dugu gurasook?" izenburupean hitzaldia izango da datorren maiatzaren 21ean, Irizar Jauregian, 18:00etan.

Hitzaldia Etxadiko kideek emango dute, hau da, Orientazio Psikologikorako Zerbitzua eskaintzen duten profesionalek.

Hitzaldiaz gain, bertaratzen direnek azken sei urteotan martxan dagoen Familientzako Orientazio Psikologikorako Zerbitzuaren inguruko informazioa jasoko dute.

Epea

2014ko maiatzaren 15tik uztailaren 11era