Kirola

Bizikletak konpontzeko gunea egokitu dute Agorrosin Ekintza gunean. Orain arte bizikletak garbitzeko eta gurpilak puzteko zerbitzua zegoen eskuragarri. Joan den ostiraletik, berriz, gunea egokitu dute bizikletak norberak konpontzeko. Dagoeneko martxan dago eta erabiltzaileek giltza eskatu beharko dute harreran.

Uda gainean da eta ostiralean, ekainaren 9an, Agorrosingo kanpoko igerilekua irekiko dute. Irailaren 15era bitarte egongo da zabalik.

Kanpoko igerilekua zabalik egongo da 10:00etatik 20:00etara (berdegunea, berriz, 10:00etatik 20:30era). Hori dela eta,  Agorrosin Ekintza Guneko ordutegia ere pixka bat aldatu egingo da: astegunetan 6:30etatik 21:25era bitartean irekiko dute, ohi bezala; udako asteburu, jai egun eta abuztu osoko ordutegia, berriz, 9:00etatik 21.00etara izango da.

Bergarako Labegaraieta kiroldegian jokatuko dute hockey lineako Espainiako txapelketa, eta bertan lehiatuko da eskualdeko Burdinola taldea. Lehiaketan parte hartuko duten taldeak hainbat naziotakoak izango dira, besteak beste, Euskal Herria, Katalunia eta Espainia.

Gorka Artola alkateak eskerrak eman dizkio Burdinola Irristaketa Klubari: “Lan nabarmena egin dute txapelketa antolatzen, eta eskerrikasko ohituraz gurean masiboak ez diren kirolei ikusgarritasuna emateagatik”. 

Bergara K.E. eskubaloia, futbola, saskibaloia eta pilota elkarteek, Lokatza ziklismo eskolak eta Burdinola irristaketa taldeak hitzarmena berritu dute Udalarekin Bergara Hiria emakumezkoen txapelketak egiteko.

Ekainaren 8ra arteko epea dago Bergarako Udalak Arizondo argazkizale elkartearen laguntzarekin antolatutako XXXII. Kirol Argazki Lehiaketan parte hartzeko.

Aurtengo udarako ere haur eta gaztetxoei zuzendutako aisialdirako eskaintza prestatu du Bergarako Udalak. Askotarikoak dira proposamenak, guztiak ere herrian egiteko, eta euskaraz. Herritarren batzordeko lehendakari Ekaitz Aranberrik azaldu duenez, “kalitatezko eskaintza osatzen ahalegindu gara. Iaz genionaren ildotik, uste dugulako herritarrek, eta kasu honetan haurrek eta gaztetxoek, hori behar eta merezi dutela. Berrikuntza bat ere badakar aurtengo eskaintzak, izan ere arte udalekuetarako eskaintza gehitu diogu, BEARTen bitartez”.

Herriko 12 eragileren parte-hartzearekin egingo da aurtengo ‘Bergara Oinez’.

2021. urte amaieran zabaldu zen Labegaraietako kiroldegiko rokodromo berritua. Ondoren hobekuntza lan batzuk egin dira.

Bergarako Udalak umetxoen ur-jarduerak antolatu ditu, apiriletik ekainera arte, 6 hilabetetik 4 urte arte dituzten haurrentzat. Ur jardueren abantailak erabiliz, umeen garapen motorrari laguntzeko gurasoei zuzenduriko ikastaroa da. Eta, helburuak gurasoei ur jardueren bidezko garapen motorrerako oinarrizko irizpideak eman eta beldurra uxatzea eta guraso-umeei erabateko autonomia ematea beren premia eta gogoetara moldatuta, ur jarduerekin goza dezaten.

Jarduera hauen bitartez, umearen garapen motorra aberastu eta ume eta gurasoen arteko harremana garatuko da.

Bergarako anbulatorioko lehen solairuan izango da. Beharrezkoa da maskara eramatea.