Bergarako Udala-k Ar, 2024-05-28 12:37-n bidalia
Bergarako Emakumeentzako Jabekuntza Eskolak interesa duten emakume guztiak gonbidatu nahi ditu datorren ostiralean, ekainak 7an, 18:00etatik 20:00etara bitartean Irizar jauregian egingo den ikasturte amaierako topaketara.
Ekitaldi hau urtean zehar Eskolako tailerretan parte hartu duten emakume guztiak biltzeko diseinatu da. Gainera, oraindik parte hartzeko aukerarik izan ez duten arren, etorkizuneko edizioetan parte hartzeko interesa duten emakumeak ere gonbidatuta daude. “Topaketa honen helburu nagusia Bergararako nahi dugun Jabekuntza Eskola motari buruz elkarrekin hausnartzea izango da.
Elkar hobeto ezagutzeko, esperientziak partekatzeko eta elkarrekin ondo pasatzeko gune bat sortu nahi dugu”, adierazi dute udal ordezkariek. Jardunaldiari amaiera emateko, mokadu agroekofeminista bat egingo da. Topaketara joateko, ezinbestekoa da aldez aurretik izena ematea, izena emateko formulario honen bidez.
Ekitaldiaren datuak:
Data: Ostirala, 2024ko ekainak 7
Ordua: 18:00 - 20:00
Lekua: Irizar Jauregia, Bergara
