Irabazi saria Bergara hobetzeko "Ideia zaparrada" lehiaketan parte hartuta
admin-k Og, 2013-08-08 16:21-n bidalia
Krisi garaian gaude eta baliabideak urriak direla kontuan hartuta, Udalak uste du pertsonen sormenak asko lagun dezakeela egoerari aurre egiten. Hala, abian jarri du "Ideia Zaparrada Bergaran: nola edo zertan hobetu Bergara?" lehiaketa. Interesatuek urriaren 21a arte dute aukera ideiak eta proiektuak aurkezteko.
Zaborra batzeko kamioiak konponduta, gaur normaltasunez egingo da zerbitzua
admin-k Az, 2013-08-07 18:21-n bidalia
Debagoieneko Mankomunitateak konpondu ditu matxuratuta zeuden zaborbilketarako 4 kamioiak eta zerbitzua normaltasunez egingo da berriro ere gaurtik aurrera.
Joan den uztailaren 22an eta abuztuaren 5ean arazoak izan dira Bergarako zerbitzuan eta bilketa ez da behar bezala egin.
Mankomunitateak adierazi duenez, hiri hondakinak batzeko dituen 6 kamioietatik 4k matxurak izan dituzte eta hori izan da aipatutako egunetan zerbitzua kaltetua izateko arrazoia.
Herribusak honako zerbitzua eskainiko du abuztuan
admin-k Al, 2013-07-29 13:08-n bidalia
Herribusak zerbitzua egokituko du abuztuan herrian hilabete horretan dagoen mugikortasunera. Horretarako bidaien ordutegia aldatu du.
San Pedro parrokia bisitatzeko aukera ederra
admin-k Az, 2013-07-24 13:30-n bidalia
Bergarako Turismo sailak aurten prestatu duen udako bisita San Pedro Parrokian izango da. Eraikin bikain honek oso ongi islatzen du gure herriak izan duen bilakaera historikoa. Aurten sarrerako atean hasi eta kanpandorreraino iritsiko da bisita.
Historiaren ikuspegi bat erakusten digu San Pedro parrokiak, izan ere, iraun duelako elizak iraganarekin lotzen gaitu.
Turismoa eta herriko merkataritza bultzatzeko ekimena
admin-k Az, 2013-07-24 13:12-n bidalia
Udalak argi du turismoa ez dela Bergara ikusteko ekimen soila, aldiz, jarduera ekonomikoa bultzatu behar duela. Hala, Labegaraietan autokarabanentzako eta furgoneta ekokituentzako egokitu duen zerbitzu gunean ekimen berri bat egingo du, erabiltzaileei herriko kirol eta kultura azpiegituren, jatetxeen eta denden eskaintzak eskuragarri jartzeko.
"Ura eta Erreka Deba Ibarrean" asteko argazki lehiaketa
admin-k Ar, 2013-07-23 15:28-n bidalia
Debagoieneko Mankomunitateak aurtengo urriaren 13an hasi eta 19ra arte, "Ura eta Erreka Deba Ibarrean" astea ospatuko du. Debagoiendarrak gure erreka garbia eta uraren kalitate egokia mantentzeko ditugun azpiegitura berriak ezagutzeaz gain, errekak duen benetako balioaz jabetu eta ur garbia baino askoz ere gehiago dela ohartzea ere izango lirateke ospatu behar dugun aste horretako helburu nagusiak.
Jaione Isazelaia, Bergarako Alkate
admin-k Ar, 2013-07-23 12:06-n bidalia
Jaione Isazelaia da atzodanik Bergarako alkatea, egin zen ohiko osoko bilkuran karguari zin egin ondoren. Bederatzi botoz, gehiengo absolutua lortu zuen izendapenerako. Beste bi zinegotzik ere kargu hartu zuten osoko bilkuran.
Ekitaldiz betetako astea
admin-k Al, 2013-07-22 17:28-n bidalia
Laster hasiko dira Errege Seminarioaren patioan erabilera anitzeko eremua prestatzeko lanak
admin-k Or, 2013-07-19 14:13-n bidalia
Egun, Errege Seminarioko kolektorea konpontzeko saneamendu sareko lanak ari dira egiten. Hauek bukatzean ekingo zaie erabilera anitzeko eremuaren zementazio lanei.
Aurreikusi bezala, Errege Seminarioaren patioan kirol eta aisi jardueretarako erabilera anitzeko eremua egokituko da non 30X15 metroko azalerako karpa bat (egun Labegaraietan kokatuta dagoena), bi saskibaloi kanasta eta bi futbol porteria jarriko diren.
SANTA MARINAKO JAIEN EGITARAUA - 2013
admin-k Ar, 2013-07-16 13:24-n bidalia
Uztailak 18, osteguna
- 19:00etan: Meza.
- 20:00etan: Aritzeta abesbatzaren kontzertua.
Ondoren, salda eta txorizoa eliz atarian etortzen den guztiarentzat, eta kalejira txistulariekin, ordu berean pintxo potea trikitilariek alaiturik, eta buruhandiak Matxiategin.