Euskara era ludikoan praktikatzeko saioak doan
komunikazioa-k Ar, 2014-11-11 12:18-n bidalia
Mintzapraktika egitasmoak euskara praktikatzeko saioak antolatu ditu Bergaran. Bata, euskara maila hobetu nahi dutenentzat eta bestea, euskara bat ere ez dakitenentzat, biak doan.
Lehena Berriketan deitzen da. Euskara maila hobetu nahi dutenentzako edo euren inguruan euskaraz berba egiteko aukerarik ez daukatenentzako. Euskaraz berba egiten dutenekin elkartu eta berba egitea errazten du.
Berrerabilpenean sinesten baduzu, Kafe Konpon eguazten honetan
komunikazioa-k Al, 2014-11-10 11:10-n bidalia
Eguazten honetan, azaroaren 12an, 16retatik aurrera bilduko gara berriro ere “Kafe Konpon” ekimenean, berrerabilpenean sinesten dugun talde bat.
San Joxepe elkarteko lehen solairuan elkartzen gara hilero, bigarren eguaztenetan, eta elkarrekin ondatuta duaden tresnak konpontzen ditugu.
Kafea ere primerakoa da!
Seminarioko eliza kultur areto bihurtzeko aurreproiektua ikusgai hemen
komunikazioa-k Or, 2014-11-07 13:32-n bidalia
Jendeaurreko erakusketan dagoen Seminarioko eliza kultur areto bihurtzeko aurreproiektua ikus daiteke hemen, bere Memoriarekin batera
Gabonetako oporretan zer egotea nahi duzu? Galderari erantzuteko Umeen Batzarra egingo dugu azaroaren 14an
komunikazioa-k Or, 2014-11-07 12:49-n bidalia
“Gabonetako oporretan zer egotea nahi duzu? Galdera honi erantzuna emango diote LHko 3,4, 5 eta 6. mailako ikasleek, datorren ostiralean, azaroaren 14an, 17:30ean, udaletxean, egingo dugun Umeen Batzarrean.
Batzar hau egitea erabaki du Udalak, Gabonetan antolatu daitezken ekintzak erabakitzeko orduan, umeek beraiek izan daitezen protagonista. Horretarako 9-12 urte bitarteko LHko ikasleei dei egiten die, udaletxean bertan egingo den batzarrean parte hartu dezaten.
150 aparkaleku bizikletentzako eta 70 patinentzako jarriko ditu Udalak
komunikazioa-k Or, 2014-11-07 11:07-n bidalia
Udala lanean ari da zenbait gunetan bizikleta aparkalekuak jartzen. Aurten guztira 150 aparkaleku aurreikusten dira bizikletentzako eta 70 patinentzako. 10 lekutan jarriko dira bizikleta aparkalekuak eta patinentzakoak 6 lekutan jartzeko asmoa dago.
Dagoeneko, zenbait lekutan jarrita daude, Ipintza futbol zelaian, Martinez de Irala ikastetxean, Espoloian, Udal Pilotalekuan eta Anbulategian. Egun gutxi barru, guztiak jartzeko asmoa dago.
Azpiko laukian, aurten aurreikusi diren bizi eta patinentzako aparkalekuak:
Bedelkarrek “Bergara Bizi” ekimena bere ardurapean hartu eta Gobonetako kanpaina aurkeztu du
komunikazioa-k Og, 2014-11-06 20:48-n bidalia
Udalak “Bergara Bizi” ekimena ipini zuen martxan, Bedelkar eta herriko hainbat merkatarirekin elkarlanean. Azken urteko ibilbideak argi utzi du komertzioek elkarlanean hainbat gauza lortu ditzaketela.
Udaletik, Bedelkarrekin elkarlanean, hausnarketa-prozesu bati ekin diogu. Hausnarketa horretatik ondorioztatu da Bedelkar indartu beharra dagoela, horrekin herriko merkataritza indartzen baita. Horregatik, Beldelkarreko funtzionamenduan aldaketa batzuk egitea onartu dute. Hasteko, “Bergara Bizi” ekimena Bedelkarren eskura pasatzea.
Eguaztenero, Baserritarrak Oxirondoko Azokan
komunikazioa-k Ar, 2014-11-04 11:53-n bidalia
Baserritarrek, Lehen Eguazteneko Azokarekin, izan duten harrera ikusita, eguaztenero txandaka, plazara etortzea erabaki dute, beraien produktu freskuak eskaintzera.
Eguaztenero txandaka etorriko dira, 18retatik 20:30etara, eta behintzat bi izango dira eguaztenero postua zabalduko dutenak, bakoitzak bere ortuek sasoi horretan ematen duen uzta eskainiaz.
Horrekin batera, Lehen Eguaztenetan jarduera honetan parte hartzen duten guztiak etorriko dira, eta udalarekin batera, zenbait ekimen antolatuko dituzte, guztia erakargarriago izan dadin.
Ostegunean,“Deba ibaiaren etorkizuna” Hitzaldia eta proiekzioa
komunikazioa-k Ar, 2014-11-04 09:53-n bidalia
Datorren ostegunean, azaroaren 6an, 19:00retan, Irizarren “Deba ibaiaren etorkizuna” aztertuko duten hitzaldia eta proiekzioa eskeiniko dira, ordu eta laurden iraungo duen ekitaldian. Euskera eta erdara erabiliko direnez, itzulpen zerbitzua eskeiniko da.
Programa
1 –Proiekzioa: “Ura Deba ibarrean” dokumentalaren aurkezpena, Lexeia Larrañaga bergararraren eskutik (AVIS produkzioak).
Eguaztenean azoka eta pintxo dastaketa
komunikazioa-k Or, 2014-10-31 12:08-n bidalia
Datorren eguaztenean, azaroaren 5ean, Eguaztenetako Azoka ospatuko dugu, betiko moduan Oxirondon, arratsaldeko 18:00etatik 20:30etara.
Baserriko zein bertako produktuen gain, udazkenaren gaineko erakusketa, umeentzako eskulanak eta pintxo dastaketa izango ditugu.
Umeentzako esku lanak Jardunen gidatuko ditu.
Pintxoak, sasoiko produktuekin egindakoak, Eruan-en eskutik datoz, Ummm!
Zabalotegiko laguntzaile lanpostua. Onartutakoen zerrenda
komunikazioa-k Or, 2014-10-31 11:31-n bidalia
JAKINARAZTEN DA 2014ko urriaren 20 Alkate andreak hurrengo dekretu hau eman duela:
“Bergarako Udaleko Zabalotegi aretoko kultur ekintzetarako eta udalak antolatutako beste kultur ekitaldi eta jaialdietarako laguntzailearen lanpostua betetzeko aurkeztutako instantzia eta dokumentazioa azterturik, E R A B A K I D U T
LEHENA: Onartutako eta baztertutakoen izangaien behin-behineko zerrenda hau onartzea: