Albisteak

· Lete eta Azkargorta zinegotziek “Bergarako Elikadura Mahaiak heldu zion azoka biziberritzeko ardurari, eta eragile desberdinen konpromiso, dedikazio eta sormena” balioan jarri dituzte ekitaldian.

Bergarako Udalak IV. Landaola Saria jaso du Erakunde Publikoen sariaren atalean, Oxirondo azoka biziberritzeko asmoaren baitan ‘Elikaenea’ proiektua bultzatzeagatik. Usurbilgo Sutegi aretoan ospatutako ekitaldian, Ainhoa Lete eta Markel Azkargorta zinegotziek ‘Elikaenea’ moduko proiektu batek piztutako ilusioa eta interesa” nabarmendu dituzte beren hitzartzean.

Bergarako Udalak Kultura departamendurako Kultura eta jaietako laguntzaile langileen lan-poltsa osatzeko deialdia ireki du, eta eskabideak martxoaren 25era arte aurkeztu ahalko dira modu telematikoan.

Bergara Oinez 2019 urtean Bergarako hainbat elkarte eta eragileren artean sortutako ekimena da. Aurtengoan, hortaz, seigarrena izango da. Bergararren osasuna zaintzea eta elkarren arteko harremanak sustatzea du helburu.
Aurten, iazko esperientziari jarraiki, eguraldi txarragatik ibilaldia ez egitea erabakitzen denean, Agorrosingo kirol gunean taldeari egokitutako ariketa fisikoa edo gimnasia saioak egingo dira ibilbideen ordez.

Guztira, artisautza, gozogintza, barazki, kontserbak… askotariko produktuekin osatutako 140 postu izango dira.

Martxoaren 23ko Erramu Zapaturako askotariko ekimenak antolatu dituzte Bergarako Udalak eta herriko hainbat eragilek. Ohi bezala, bertso-saioa egingo da bezperan, martxoaren 22an Seminarixoan, Kopla Barik bertso-eskolak lagunduta. ‘Txinbo’k jarriko dizkie gaiak kantari ariko diren Andoni Egaña, Jone Uria, Miren Artetxe, Amets Arzallus eta Saioa Alkaiza bertsolariei.

Jardun Euskara Elkarteak lokal berria izango du aurrerantzean Oxirondo azokako goiko pisuan, astelehen honetan Bergarako Udalarekin sinatu duten hitzarmenak zehazten duen bezala. Modu horretara, liburutegiko sotoa atzean utzi eta Oxirondoko lehen solairuko gune librearen ondoan kokatutako lokalera lekualdatuko dira, instalazio berriago eta modernoagoetaz gozatu ahal izateko.

Gipuzkoako landa garapeneko proiektuei errekonozimendua egin asmoz, Landaola Federazioak IV. Landaola Sariak ospatuko ditu aste honetan. Antolakuntzatik jakinarazi dutenez, Bergarako Udalak izendapena jaso du Erakunde Publikoen sariaren atalean, Oxirondo azoka biziberritzeko asmoaren baitan ‘Elikaenea’ proiektua bultzatzeagatik.

· Tafallarrak aipatu duenez, “txalupa txikia da gurea, datozen urteetan hondoratuko dena abertzale guztiak batzen ez bagara”

Jose Mari Esparza (Tafalla. 1.951) idazle eta editorea “eskertuta eta hunkituta” agertu da ostegun honetan, martxoaren 7an, Bergarako Seminarixoa aretoan ospatutako ‘Monzon-Ganuza. Euskal Utopikoei Saria’ ekitaldian. Olaso Dorrea Fundazioak eta Bergarako Udalak antolatutako sari hauek Esparza omendu nahi izan dute, bizitza osoan euskal kulturgintzaren alde egindako lanagatik.

Bergarako Udal Euskaltegixak euskalkiaren gaiñeko ikastaroa antolatu dau Aste Santu osterako.
• Ikastaroa: Bergarako euskera hobetzen
• Helburua: Berba egitterakoan egiten dittugun akatsak zuzentzen laguntzea eta euskalkixan egitteko gaittasuna areagotzea.
• Iraupena: apirilaren 9tik maiatzaren 2ra, martitzen eta eguenetan (16 ordu)
• Ordutegia: 18:00etatik 20:00etara (moldatu leike)
• Prezioa: 15 euro
• Izena emateko epea: martxoaren 22ra arte

Gizarte, kultura eta kirol arloan lan egiten duten asmo irabazirik gabeko elkarte zein eragileentzat diru laguntza deialdi bateratua aurkeztu du aurten ere Bergarako Udalak. Laguntza hauen bitartez, aipatutako arloetan lanean diharduten eragile zein elkarteek urteko finantzaketarako diru sarrera garrantzitsua jaso ahalko dute.

Udalerri honetan bizi diren hautesleei jakinarazten zaie 2024ko apirilaren 21ean, Eusko Legebiltzarrerako hauteskundeetarako hautesle-errolda erakusgai egongo dela 2024ko martxoaren 4tik 11ra (biak barne) BAZ-ean, interesatuek aztertu eta erreklamazioak aurkez ditzaten.