Albisteak

San Martin jaiak antolatzeko lehen bilera egingo dute datorren asteazkenean, uztailaren 5ean. Udaletxeko pleno aretoan izango da, 18:30ean, eta bilerara bertaratzera gonbidatuta daude herritar guztiak. 

Musika izango du ardatz uztaileko kultur eskaintzak. Hilaren lehen egunean hasi eta denetariko emanaldiak antolatu dituzte. Egitaraua ‘Kokein’ taldearen kontzertuak hasiko du larunbat honetan, Usondo parkean; itxiera, berriz, ‘Sweet Marta & Johhnny Bigstone’ taldeak emango dio uztaileko azken ostiralean, Espoloian. 

Datorren ostiralean, ekainaren 30ean, hasiko da San Martzial jaietako egitaraua. Goizeko 07:00etan, kanpai-jotzeak irekiko du eguna eta ordu erdi geroago egingo dute San Martzialera igoera. 

Hurrengo egunean, kalejira egingo dute erraldoiek eta bidelagun izango dituzte Elgoibarko eta Arrasateko dultzaineroak eta Bergarako txistulari banda. 

Igandean, berriz, alboradarekin hasiko da eguna 09:30ean. San Martzialera igoera 10:00etan izango da, eta 12:00etan hasiko dira trikitilariak eta bertsolariak. Haien ondoren egingo da dantzaldia ohorezko sokarekin eta ohiko aurreskua. 

Igande honetan, ekainaren 25ean, San Pedro eta San Martzialetako ohiko kontzertua egingo du Bergarako musika bandak. Kontzertua 12:30ean hasiko da, eta Espoloian egiteko asmoa dute, baina eguraldi txarra egingo balu, frontoian egingo lukete.

Kontzertuan denetariko piezak joko dituzte:

·      Ernesto P. Rosilloren "Santander", doinu kantabriarrez osaturiko pasodoblea.

·      F. Herolden "Zampa" obertura klasiko, bizi eta azkarra.

Asteburu honetan ospatuko dituzte San Juan jaiak. Hilabete hasieran jarri zuten martxan egitaraua, ekainaren 10ean San Juan auzoa ezagutzeko ekimena egin baitzuten. Horrez gain, hilaren 20tik 22ra ortuak ikusten eta baloratzen aritu dira lehiaketarako, eta sariak larunbatean banatuko dituzte. 

Bihar, berriz, arratsaldeko 18:00etan lizarra, eliza eta Santutxu apaintzea egingo dute, loreak jarriz. 21:00etan, berriz, San Juan suak piztuko dituzte baserrietan. 

San Martin plazan, ostera:

Ostiralean banatu zituzten Bergarako XXXII. Kirol argazkien lehiaketako sariak: zuri-beltzeko kategorian Oskar Gaskon izan da onena ‘Criquet’ argazkiarekin; eta koloretan, berriz, Juan A. Unzurrunzaga gailendu da ‘Harrijasotzaille’ irudiarekin. Bi arloetan banatu da Emakumeen saria, eta Soraya Lopezek bereganatu ditu biak, hurrenez hurren, ‘Rollerak Zumaian’ eta ‘Zaldi lasterketa 2’ argazkiekin. 

Horiez gain, zuri-beltzeko kategorian bigarren eta hirugarren sailkatu dira:

·      Agustin Gurruchaga ‘Borobilarekin’ argazkiarekin.

Uztailaren 2an izango da San Martzial erromeria eta herritarrek bertarako mahaiak eta aulkiak alokairuan hartzeko aukera izango dute datozen bi asteazkenetan: ekainaren 14an eta 21ean. Eskaera Seminarixoko lehiatilan egin beharko da, 18:00etatik 20:00etara. 

• Mahai bat eta zortzi aulki alokatzeak 25 euroko prezioa izango du.
• Eskatzaile bakoitzak 150 euroko fidantza jarri beharko du hiru mahai arte. 

• Hortik gora eskatuz gero 300 euroko izango da fidantza (hau da, lau edo bost mahai hartu, fidantza 300 euro izango da.

2023. urteko San Martzial jaietan zelaian irekiko den kantinaren eta jarriko den txosnaren ustiapena adjudikatzeko deialdia (Esp. Zenbakia: 2023BLIZ0002) ireki berri du Bergarako Udalak.

Gaur muntatu dute ‘Zientzia kalean’ erakusketa Laboratorium museoaren sarreran, eta dagoeneko bisitatu daiteke. Mostra Gipuzkoan jartzen den lehen aldia da, eta ikusgai egongo da uztailaren 28ra arte. 

Larunbat honetan (ekainaren 3an) banatuko dituzte Koldo Eleizalde lehiaketako XXXVIII. edizioko sariak. Sari-banaketa ekitaldia 12:00etan hasiko da, Seminarixoan, eta ikusgai egongo da, baita ere, Bergarako udalaren Youtubeko kanalean. 

Aurten, guztira, 467 lan jaso ditu epaimahaiak. Hauek dira aurtengo irabazleak generoaren eta kategoriaren arabera sailkatuta: 

Ipuin idatzia

1. kategoria: 2015-16an jaioak. Hiru sari eman dira, maila berean:

·       Malen Azkarate-Askasua. Lanaren izenburua: Maddi eta moxala.