Zuzenketa eta itzulpen zerbitzua

Euskarazko testuak zuzendu eta gaztelaniazko testuak itzultzen ditugu euskarara.

Zuzenketari emango zaio lehentasuna; hau da, interesatuak (edo taldeko norbaitek) euskaraz egiteko gaitasunik badu, euskaraz ekar dezan animatuko da, gure zerbitzua euskarazko testuen zuzentasuna ziurtatzera zuzentzeko.
Epeak. Eskatutako itzulpen edo zuzenketa lanaren eta unean Euskara Zerbitzuak duen lan-kargaren arabera, jakinaraziko zaio eskatzaileari itzulpena noizko egin ahal izango den.
Idatzia sortu duenaren edo arduradunaren telefono zenbakia eskuratu beharko da beti, izan litezkeen zalantzak argitzeko.

Zuzendu beharrekoa aurrez eskatzaileak euskaratutakoa baldin bada, jatorrizko testua ere ekarri beharko du.

Gaztelaniatik euskarara itzuliko da, inoiz ez euskaratik gaztelaniara.
Edozein modutan, gaztelaniatik euskarara itzultzeko ere ondorengo baldintzak bete beharko dira:
- Testuaren erabilera:
  - Testua zabalpen publikorakoa edo behin eta berriz erabiltzekoa izatea: kartelak, errotuluak, publizitate-orriak, inprimakiak, material-zerrendak, fakturak, menuak... Ez dira, adibidez, itzuliko elkarte, edo talde pribatu baten aktak.
- Testuaren gehienezko luzera: 3 orrialde.