RSS jarioa

Mendi Film Festibalean euskarazko film onenaren saria jasotako 'Noizko Basoa' dokumentalaren emanaldia

-k Ar, 2024-01-23 12:07-n bidalia

Urtarrilaren 25ean, osteguna, arratsaldeko 18:30etan, NOIZKO BASOA film laburra ikus ahalko dugu Seminarixoan. Pasa den abenduan Bilboko Mendi Film Festibalean euskarazko film onenaren saria jasotako film labur honek Ea-ko herritar batzuek bertako lursail bat berreskuratzeko egindako lanaz jardungo du.

Ondoren, eta hari honi tiraka, Ean eta Bergaran udal mailan, eta herritarron partaidetzarekin, basogintzan eta ingurumenarekin lotutako beste arlo batzuetan egindako eta egiteko ibilbideez arituko gara.

  • Partekatu:

2024rako Aurrekontuak onartu ditu Bergarako Udalak, “etorkizuneko hainbat erronkei erantzuteko helburuarekin”

-k Al, 2024-01-22 21:09-n bidalia

Bergarako Udalak 2024rako Aurrekontuak onartu ditu astelehen honetan ospatutako ezohiko osoko bilkuran, EH Bilduko 10 zinegotzien aldeko bozkarekin eta oposizioaren aurkakoekin. Guztira, 33.411.085 euroko aurrekontu bateratua izango du aurten Bergarako Udalak ohiko gastuetarako eta inbertsioetarako. Modu horretara, aurtengo inbertsio nagusiak gauzatzeko beharrezkoa den tramitea gainditu du gobernu taldeak, eta, horri esker, aurten sei milioi euroko inbertsioak egin ahalko ditu, iazko inbertsio gaitasuna handituz.

  • Partekatu:

Orriak