Bergarako Udala-k Og, 2025-04-03 12:38-n bidalia
Bergara prest dago 2025eko Erramu Zapatua ospatzeko, apirilaren 11n eta 12an herriko kaleak girotuko dituen egitarau oparo eta anitzarekin. Apirilaren 11n, ostirala, bertso zaletuek hitzordua izango dute 22:00etan, Seminarixoan, Oihana Iguaran, Beñat Gaztelumendi, Nerea Ibarzabal, Jon Maia eta Onintza Enbeita bertsolariekin osatutako bertso saioarekin. Gai jartzailea Txinbo izango da, eta Kopla Barik bertso-eskola izango du laguntzaile. Sarrera: 8 euro, eskuragarri www.seminarixoa.eus webgunean.
Apirilaren 12an, larunbata, goizeko 09:00etan hasita, Bergarak feria giroan esnatuko du eguna:
• Abelburuen erakusketa Ibargaraingo plazan
• Elikagai eta artisautza postuak Ibargarain, Simon Arrieta eta San Martin plazetan
• Eusko Label pintxoak, makinaria eta landareen erakusketa, taloak eta txorimaloen erakusketa
San Martin plazan honako hauek nabarmenduko dira:
• Sukaldaritza zuzenean, Elikaenearen eskutik (10:30etik aurrera)
• Sendabelarrekin botikina egiteko tailerra, Ekoudalatx Mintegi Ekologikoaren eskutik (11:00etan)
• Erleen bizimoduari buruzko azalpenak eta kandela tailerra, Erlantz Olabarriaren eskutik (12:00–12:30)
Eguerditik aurrera, kaleetan animazioa egongo da:
• Kalejira, Bergarako Musika Eskolako trikitilariekin (11:00etan)
• Joaldunak Bergarako kaleetan (12:00etan)
• Euskal dantzen emanaldia, Bergarako Musika Eskolako dantzari eta fanfarrearekin Munibe plazan (12:30ean). Euriarekin, Seminarixoan izango da.
15:00etan, herri bazkaria ospatuko da Udal pilotalekuan, Xaxau eta Txapa irratiaren eskutik. Ondoren, Erramu Txaranga arduratuko da kale animazioaz.
Arratsaldeko 17:30ean, zezentxoekin gozatzeko aukera egongo da Seminarioko patioan, eta 19:00etan amaiera emango zaio jaiari Aiko taldearen dantzaldiarekin, Munibe plazan edo, eguraldi txarrarekin, Seminarixoan.
