Mendekotasuna duten pertsonen zaintzan sortutako emozioen kudeaketari buruzko ikastaroa Bergaran
admin-k Az, 2013-01-09 09:50-n bidalia
Ikastaroak 4 eguneko iraupena izango du eta doan eskeiniko da.
Bergarako Ongizate Sailak, Gipuzkoako Foru Aldundiaren laguntzarekin, ikastaroa antolatu du mendekotasuna duten pertsonen zaintzaileei zuzenduta Emozioen Kudeaketa lantzeko.
Aste honetako kultura ekitaldiak
admin-k Al, 2013-01-07 12:14-n bidalia
2013an ere ekitaldi ugari izango ditugu Bergaran. Hona hemen aste honetakoak:
2013/01/09 Asteazkena
Zine-kluba. Zine-zikloa: Haurtzaroa.
La guerra de los botones (C.Barratier).
Zabalotegi aretoan, arratsaldeko 20:00etan.
Sarrera: 3 €.
2013/01/11 Ostirala
Musika
Azkaiter Pelox-en Zamburleiker diskoaren aurkezpen kontzertua.
Zabalotegi aretoan, 22:00etan.
Zabor, Estolderia eta Uraren tasen 2012ko laugarren hiruhileko erreziboak ordaintzeko epea martxoaren 11an bukatzen da
admin-k Al, 2013-01-07 09:26-n bidalia
2013ko urtarrilaren 10etik 2013ko martxoaren 11ra izango da borondatezko diru-sarrera egiteko epea.
Bergarako udalerriko zergapekoei jakinarazten zaie, Zabor, Estolderia eta Uraren tasen 2012ko laugarren hiruhileko erreziboak ordaintzeko epea, 2013ko urtarrilaren 10etik 2013ko martxoaren 11ra izango dela.
Helbideratutako erreziboak, baimendutako finantza erakundeetan eta zergapekoak agindutako kontu korrontean zordunduko ditugu 2013ko martxoaren 11an.
Aratusteetako egitarauko azala aukeratzeko lehiaketa
admin-k Az, 2013-01-02 13:27-n bidalia
Kartelak Bergarako Kultura Etxean aurkeztuko beharko dira, urtarrilaren 22ko 13:00ak baino lehen.
Bergarako 2013ko aratusteetako jaia egitarauko azala aukeratzeko lehiaketa ireki du Bergarako Udalak. Bertan, Bergaran bizi edo erroldatutako edozein pertsonak parte hartu ahal izango du eta irabazle ateratzen denak 350 euroko saria jasoko du.
Udal Gobernu taldea txilabak probatzen
admin-k Or, 2012-12-28 11:41-n bidalia
Udal gobernu taldeko kideek Errege Kabalgatan jantziko dituzten txilaba berriak probatu dituzte.
Erakusleiho lehiaketaren irabazleak eta sari-ematea
admin-k Og, 2012-12-27 12:57-n bidalia
Sari emate ekitaldia urtarrialren 5ean izango da. Sari popularra aukeratzeko bozka eman duten herritarren artean ere 150 euroren zozke egingo da.
Hauek dira 2012ko Erakusleiho lehiaketaren Irabazleak:
Alkateraren ahoan jarritako gezurrak salatu ditu Gobernu Taldeak
admin-k La, 2012-12-22 11:44-n bidalia
Abenduaren 21eko Goienan Bergara garbia plataformak alkatearen ahoan berak esan ez dituen hitzak jarri ditu, hala nola, “behartu egin behar dela jendea gauzak egiteko Frankok egiten zuen erara” edota “atez atekoa aukera bakarra dela nahiz eta ezinduak eta adineko jendea baztertu eta isolamendura kondenatu eta jendea zigortzea eta behartzea dela alternatiba”.
Urtarrileko Kultura gida
admin-k Og, 2012-12-20 16:31-n bidalia
Gabonetako I. patin gaineko 4x4 hockey torneoa Labegaraietan
admin-k Og, 2012-12-20 15:47-n bidalia
Patinak eta babesak eramatea derrigorrezkoa izango da.
Urtarrilaren 3an, Labegaraietako kiroldegian Hanka Labanka taldeak antolatutako Gabonetako I. patin gaineko 4x4 hockey torneoa jokatuko da. Bertan, 1999 eta 2004 urteen artean jaiotakoek parte hartu ahalko dute.
Izen emateak Agorrosin edota Kiroldegietan dauden kutxetan sartu beharko dira, abenduaren 27a baino lehen.
Aerodance taldea osatzeko deialdia zabaldu da
admin-k Og, 2012-12-20 15:26-n bidalia
Aerodance taldean 14 urtetik gorakoek parte hartu ahalko dute. Abonatuek 18.82 € ordaindu beharko dituzte hilean eta ez abonatuek 38.64 €.
Ikasturte hasieran, irailean, 3 AERODANCE saio eskaini ziren Agorrosinen, hala ere, horietatik 2 baino ez ziren osatu. Astearte eta ostegunetako 10:30etako saioa da osatu gabe dagoena. Gauzak horrela eta jendea interesatuta dagoela ikusirik, berriz ere taldea osatzeko deialdia luzatzen da.