Albisteak

Ostiral iluntzera arte luzatzen da alerta naranja elurragatik

-k Og, 2015-02-05 13:57-n bidalia

Elurrak oraindik egun pare batez izatea espero da. Gaur arratsaldean eta bihar, ostirala, elur-kota 200 metrora egongo da eta 2-15 zentrimetro bitarteko lodierak aurreikusten dira. Era berean, abisu horia eman dago izotz arriskuagatik ere.+

Gauzak horrela, udaletxeko guardiako laguntza-talde berezi bat egongo da eta Udaltzaingotik kudeatuko da laguntza-talde hau. Beraz, arazoren bat izanez gero, Udaltzaingora dei dezakezu (943-779106) arratsaldean zehar edo bihar.

  • Partekatu:

Elikadura Jasangarria aztergai eskoletan Eskolako Agenda 21 egitasmoaren baitan

-k Og, 2015-02-05 11:23-n bidalia

Bergarako eskoletako ikasleek 2014/2015 ikasturtean zehar ere, Eskolako Agenda 21 proiektuan murgilduta dabiltza iazko ikasturtean bezalaxe Elikadura Jasangarria ikuspegi ezberdinetatik aztertuz. 
 
Hala, landa eremuaren garrantzian oinarrituz, bertako ekoizpenaren eta kontsumoaren nondik norakoak aztertuko dira aurten. Horrez gain, herriko azoka ezagutu eta biziberritzeko lan berezia egingo da. Horrenbestez, ikasturtea hasi denetik egindakoen berri emateaz gain, neguan zehar osatuko den ibilbidearen aurreikuspena jasotzen da atxikitutako dokumetuan. 
  • Partekatu:

Torturaren kontrako Egunaren harira antolatutako ekitaldiak

-k Az, 2015-02-04 11:17-n bidalia

Torturaren Kontrako Egunarekin bat etorriz, Bergarako Lokarriko Foroak Udalaren laguntzarekin bi ekitaldi antolatu ditu aste honetarako:

 

Lasa eta Zabala filma

Otsailak 11, asteazkena               

20:00etan

Zabalotegi Aretoan

 

Memoria Historikoaren inguruko hitzaldia.

Hizlaria: Paco Etxeberria, auzitegi-mediku-antropologo eta EHU/UPVko irakaslea.

Otsailak 13, ostirala                                   

19:00etan

Udaletxeko Pleno Aretoan

  • Partekatu:

Aratusteetarako programa ikusgai eta ekitaldietarako sarrerak salgai

-k Az, 2015-02-04 08:21-n bidalia

2015eko Aratusteetako egitaraua ekintzaz beterik dator eta ez da aspertzeko astirik izango.

Aurtengo berrikuntza aipagarriena aratusteetako martitzeneko Herri Batukada izango da, herriko elkarte eta eragile ezberdinak Udalarekin elkarlanean prestatutako ekimena. Bergarako Udal Musika Bandak eta Orkestra Sinfonikoak Kabaret ikuskizuna eskainiko dute ostiralean 22:30ean Udal Pilotalekuan. Eta, etxeko txikienentzat, Pirritx, Porrotx eta Mari Motots pailazoen “Txo Mikmak txikia” emanaldia izango da  larunbatean 15:30ean nahiz 18:00ean.

  • Partekatu:

Elurragatik abisu naranja aktibatuta

-k Al, 2015-02-02 14:14-n bidalia

Euskalmet-en arabera, goizaldean elur-kota 1000-1100 metrora egongo da, egunaren erdiko orduetan 300-500 metrora eta gauean 200-400 metrora. Ipar/ipar-mendebaldeko haize ahul-bizia ibiliko da; arratsaldean indarra galduko du eta hego-osagaira aldatuko da. Tenperatura nahikoa jaitsiko da eta litekeena da bihar gauen zenbait lekutan izotza egitea.

  • Partekatu:

Instrumentuak prestatuta… Herri Batukadako entseguetarako prest!

-k Al, 2015-02-02 10:08-n bidalia

Instrumentuak egiteko tailerren ostean, prest dago dena Aratusteetako Martitzenean egingo den Herri Batukadako entseguak egiteko.  Musika Eskolak gidatuta egingo dira datozen egunetan:

Otsailak 3 eta 10 (asteartea), 19:00etatik 20:00etara udaletxeko Pleno Aretoan

Otsailak 5 eta 12 (osteguna), 18:00etatik 19:00etara udaletxeko Pleno Aretoan

ENTSAIO OROKORRA: Otsailak 16, astelehena, 18:00etan Seminarioko karpan.

Otsailak 17, musika eta kolorea herriko kaleetan barrena

  • Partekatu:

Uholde arriskuagatik emergentzia egoeran gaude; Udalak hartu ditu honi aurre egiteko neurriak

-k Or, 2015-01-30 22:22-n bidalia

Eurite arriskuagatik, Udalak zubi gaineko bidegorriak itxi eta euriak gainezka egin dezaketen guneak hustu ditu, bizilagunei bozgoragailuz abisatuz eta etxeetako tinbreak joz.

Arretaz ibili Ibaiondo, San Antonio, Alkabieta eta Osintxuko bizilagunak eta garajeetakoak.

San Martin eskolako eta ikastolako patioak zabalik daude behar duenak kotxea bertan utzi dezan.

Bereziki herritarrei arretaz ibiltzea gomendatzen zaie, ondoko prebentzio neurriak hartuz:

Erreka eta ibai bazterretan ez ibilgailurik utzi. Gerta liteke urak bat-batean gora edo gainezka egitea.

  • Partekatu:

Herri Batukadarako instrumentuak egiteko tailerrak

-k Or, 2015-01-30 15:04-n bidalia

Udala herriko hainbat elkarte eta eragilerekin elkarlanean, Herri Batukada antolatzen ari da Aratusteetako Martitzenerako. Aratusteetako egun hau girotzeko eta kolorez betetzeko, Musika Eskola, Bedelkar, Jardun Euskara Elkartea, Bergarako tabernariak eta Udala gogoz eta ilusioz beterik ari dira ekimen berri hau prestatzen herriko ume, gazte zein helduentzako.

Eguna iritsi bitarteko prestaketa lanak: instrumentuak eta entseguak   

  • Partekatu:

Orriak