RSS jarioa

700 bergarar baino gehiago San Martinetako Danborradan

-k Og, 2023-09-07 11:39-n bidalia

Irailaren itzulerarekin batera, aurten ere San Martinak ospatuko dira Bergaran. Larunbat honetan feria izango da protagonista, eta datorren asteburuan kultur ekitaldiz beteko da herria. Programazioa aurkeztu asmoz, Udaleko zein Bergarako eragile ezberdinetako ordezkariek prentsaurrekoa eskaini dute ostegun goizean, eta bertan, besteak beste, nagusien Danborradan 700 bergararrek baino gehiagok parte hartuko dutela iragarri dute. Zentzu horretan, Gorka Artola Bergarako alkateak eskerrak eman dizkie San Martinetan modu batean ala bestean laguntzen diharduten bergarar eta eragile guztiei.

  • Partekatu:

Bergarako Udal Euskaltegiak matrikulazio epea ireki du

-k Az, 2023-09-06 13:31-n bidalia

Udal Euskaltegiak eskaintza anitza eskainiko du datorren ikasturtean, eta dagoeneko matrikulazio epea ireki du. Bertan, besteak beste, maila guztietako (A1, A2, B1, B2, C1 eta C2) euskara ikastaroak eskainiko dira. Horrez gain, alfabetatze ikastaroak, mintza taldeak, autoikaskuntza ikastaroa, AISA ikastaroak edota DBHko ikasleentzako hizkuntza errefortzuak eskainiko dira.

  • Partekatu:

Datorren astean hasiko dira Elosu eta Bergara arteko errepidea konpontzeko lanak

-k Az, 2023-09-06 12:44-n bidalia

Bergarako herrigunea eta Elosu auzoa lotzen dituen GI-3750 errepidea konpontzeko lanak datorren astean hasiko direla iragarri dute asteazken goiz honetan Gipuzkoako Aldundiko Bide Azpiegituretako diputatu Maria Ubarretxenak; Bergarako alkate Gorka Artolak eta Elosuko auzoalkate Iñigo Zubeldiak. Guztira 6.285 metroko errepide tarteko firmea birgaituko da, eta lanek 845.000 euroko aurrekontua eta 5 hilabeteko exekuzio epea izango dute. 2020-2021ean konpondu zen Elosu eta Azkoitiko tarte berrituari batuko zaio hobekuntza hau.

  • Partekatu:

Bedelkar elkartearen Merkealdi Azoka “Bueltan Da” irailaren 7, 8 eta 9an

-k Az, 2023-09-06 11:03-n bidalia

“Bergara Bizi” ekimenaren barne eta Bedelkar elkarteak antolatuta, irailaren 7, 8 eta 9an, Merkealdi Azoka “Bueltan Da” lelopean, udaberri udako beherapenen azoka antolatu da.

Komertzioek produktuen stock metatua bezeroie eskainiko die prezio murriztuan, udalerriko erdialdeko kaleetan merkataritza fluxua sortuko dute, kalea dinamizatuz eta hurbileko eta tokiko erosketa bultzatuz.

Ideia, aurreko aldietan bezala egitea da, hau da, establezimenduek produktua saltoki aurrean ikusgai jarriko dute, karpak ere bertan kokatuz.

  • Partekatu:

Orriak