Bergarako Udala

Saioa Galarraga Pardina eta Julen Murgiondo Izagirre dantzari bergararrak Euskal Herriko dantza txapeldunak izan ziren urrian Seguran ospatutako txalpeketan. 2019ko eta 2022ko lehiaketak irabazi ostean, aurtengoa hirugarren aldia izan da txapelketa berbera irabazten dutela. Bost urtetan hiru txapelketa irabazteari esker, saria ordezkatzen duen eskultura Bergaran geratuko da betirako.

Euskaltzaindiak, Olaso Dorrea Fundazioak eta Bergarako Udalak erakusketa mamitsua aurkeztu dute gaur Bergaran. Bertan, George Lacombe hizkuntzalari eta euskaltzain osoaren agiritegi eta blibliotekari buruzko jakingarriak ematen dira, 10 paneletan banaturik; horrez gain, bi beira-arasa jarri dira, dokumentu eta liburu jakin batzuk erakusteko. Erakusketa abenduaren 1era arte izango da ikusgai, Bergarako Alde Zaharrean dagoen Olaso Dorrean.

Lizarran gertatu den haur baten erailketa matxista arbuiatu du Bergarako Udalak. Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, gaur, azaroak 9, osteguna, 18:30ean, San Martin plazan egingo den elkarretaratzean parte hartzeko deia luzatzen die herritarrei.

Gorka Artola Bergarako alkateak hasiera eman die asteazken honetan Zientzia, Teknologia eta Berrikuntza (ZTB) jardunaldiei, Seminarixoan ospatutako ekitaldi publiko batean. Izan ere, azaroaren 17ra bitartean bergararrei zein kanpotik datoztenei diziplina ezberdinetan oinarritutako 20 jarduera baino gehiago eskainiko dizkie ZTBren bederatzigarren edizioak.

Asteazken honetan, azaroaren 8an, Euskadi Bono Denda kanpaina abian jarriko da Euskal Autonomia Erkidegoko herri ezberdinetan. Horregatik, eta herriko komertzio txikiko kontsumoa sustatu asmoz, Bergarako herriari dagokion bono kopuruari beste 2.000 bono gehituko dizkio Bergarako Udalak, 20.000 euroko inbertsio berri baten bitartez.

Bergarako Aroztegi aretoan beren lanak erakutsi nahi dituzten artistek izena emateko epea zabaldu du bertako Udalak. Horretarako, 2023ko azaroaren 24ko 13:00ak baino lehen aurkeztu beharko dituzte beraien eskaerak. ‘Batzorde Mistoak’, aurkeztutako eskaera guztiak aztertu ondoren, aukeraketa egin eta urteko programazioa egingo du.

Adikzioen arloan ere osasunaren sustapena lantzea garrantzizkoa da Bergarako Udalarentzat. Ildo horretatik jarraituz, Udalak bat egin du Eusko Jaurlaritzako Osasun Sailak nerabeen eta gazteen kanabisaren kontsumoari lotuta martxan jarritako sentsibilizazio-kanpainarekin.

Izan ere, Euskal Autonomia Erkidegoan kanabisa da gehien kontsumitzen den legez kanpoko substantzia, batez ere 15 eta 24 urte bitarteko gazteen artean; erraz lortzen da, prezioa beste legez kanpoko droga batzuena baino baxuagoa da, eta arriskuaren pertzepzio soziala txikia da.

Bergarako Udalak, herriko hainbat eragilerekin elkarlanean, ‘Goruetan’ bekan izena emateko epea ireki berri du. Beka honen bitartez emakumeek historian zehar Euskal gizarteari egindako ekarpenak ikertzeko aukera izango du beka jasotzen duen pertsonak ala taldeak.

Infernukua tabernaren aldeko espaloitik Kruz Gallastegi kaleko irlatxoraino doan oinezkoentzako ibilbideari jarraipena emateko lanak hasi ditu Bergarako Udalak. Modu horretara. Gaur egun etenda dagoen espaloiari jarraipena eman eta oinezkoen irisgarritasuna eta segurtasuna hobetuko da.

Horrez gain, oinezkoentzako (bizilagun eta herritar) sarrera bermatu nahi da Masterreka 17-19 atarietara zein espaloira eta Masterrekako 9, 11, 13 eta 15 atari, lokal eta garajeetara sartzeko plazatxoetara.

Bergarako Udalak, herriko hainbat eragilerekin elkarlanean, zaintzarako eta etxeko langileentzako aholkularitza zerbitzu berria aurkeztu du. Zerbitzu honen bitartez zaintzaren arloan etxeetan lan egiten duten langileei zein hauek kontratatzen dituztenei bideratutako aholkularitza eskainiko zaie hemendik aurrera. Berau aurkeztu asmoz, Ainhoa Lete Bergarako Udaleko ordezkariak eta herriko eragile ezberdinetako eragileek zerbitzuaren aurkezpena egin dute aste honetan Irizar jauregian.