Koreografia ikastaroa, euskal dantzetan oinarrituta

-k Ar, 2014-10-21 11:44-n bidalia

Euskal dantzetan oinarrituta, gazte edota helduek, koreografiak ikasteko aukera edukiko dute Bergaran. Ikastaroak Edu Muruamendiarazen aholkularitza izango du eta ostiraletan, 18etatik 19:30etara, emango da.

Gaur egun bizi garen mundu digitalak, ikus entzunaren garrantzia handiagotu egiten du eta koreografiak, egunetik egunera, paper indartsuagoa du edozein espektakulotan.

Euskal dantzan oinarritutako koreografia ikastaro honek, lotu egiten du euskal erritmoa baliabide tekniko eta grafiko aurreratuenekin, irudi erakargarriak sortzeko lanabesak erakutsiaz.

  • Partekatu:

Diputatu Nagusia buru dela notarioaren aurrean sinatu da Udalaren eta UNEDaren arteko permuta

-k Or, 2014-10-17 11:53-n bidalia

 

Gaur, 2014ko urriaren 17an, goizeko hamaiketan, Udaleko Areto Nagusian, sinatu dira Udalaren eta UNED-Bergara Fundazioaren arteko permutaren eskriturak notarioaren aurrean, Diputatu Nagusia buru dela. Ekitaldi berean Diputatu Nagusiak udalari entregatu dio adostutako 1,7€ miloiko laguntza.

Sinatzaileak UNED-Bergara Fundazioaren buru den Martin Garitano Gipuzkoako Diputatu Nagusia, Iñaki Esparza UNED-Bergarako Zuzendaria eta Jaione Isazelaia Bergarako Alkatesa izan dira.

  • Partekatu:

Tupperren hirugarren banaketa asteartean

-k Or, 2014-10-17 08:57-n bidalia

Datorren asteartean, urriaren 21ean, tupperren banaketa egitea erabaki du Udalak, udaletxeko arkupeetan, arratsaldeko 17:00etatik 20:00etara.

Udalak 3000 tupper ekarri zituen Bergarara eta oraindik jasotzeko hainbat etxebizitza falta dira, eta era berean, batzuk galdetzen ari dira beste egun baten banaketa egingo den, ezin izan direlako  etorri aurrekoetan.

Guztia ikusirik, Udalak hirugarren egun baten ere banaketa egitea erabaki du. Tupperren kanpaina hau etxeko hondakinak ekiditzera zuzenduta dago eta Kutxaren Ekogunek finanziatzen du Bergarako Udalaren laguntzaz. 

  • Partekatu:

Domekan, bigarren eskuko gauzak salgai Oxirondon

-k Og, 2014-10-16 10:37-n bidalia

Domekan, urriaren 16an, Oxirondo plaza Merkatu Txikia ospatuko da, bertan nahi duten guztien bigarren eskuko gauzak jar ditzazke salgai.

Goizeko 11:00tatik eguerdiko 14:00tara bitartean hainbat pertsonak postua jarriko dute bigarren eskuko gauzak saltzeko edo trukatzeko, Oxirondoko merkatu aurrean dagoen plazan.

Ekimen berri hau Azoka Bergaratzen egitasmoaren proposamenetik abiatu da.

  • Partekatu:

Urriaren 26an, Kirola kalera eguna- 1.go Familia triatloia

-k Og, 2014-10-16 08:16-n bidalia

Urriaren 26an, igandea, goizeko 11etatik aurrera, Ibargarai kalean eta Seminarioko patioan, urteko Kirola kalera azken eguna antolakuko da.

Patin jolasak, bizikleta jolasak, malabarak, akrobazia, oreka jolasak...

Goizeko 13etan 1.go Familia triatloia.

Informazioa eta izen emateak Agorrosinen
943777095

  • Partekatu:

Ikasketak baliokidetzeko aholkularitza kanpaina ibiltaria 2014

-k Az, 2014-10-15 11:16-n bidalia

Datorren 23an, San Martin plazan, 9:30etatik 13:30etara, atzerriko ikasketak Espainiako tituluarekin baliokidetu eta homologatzeari buruzko aholkularitza eta informazioa emango dela informatzea nahi du Udalak.

Ekimena "Berdindu zaitez - Curriculum ikusezina" proiektuaren barruan dago kokatua eta orientabidea Bidez Bide Elkarteak ematen du. Kanpainaren helburua, atzerriko ikasketak Espainiako tituluarekin baliokidetu eta homologatzeari buruzko aholkularitza eta informazioa ematea da, batez ere, emakume etorkinei.

  • Partekatu:

Ikasturte berri honetan ere, familientzako orientazio psikologikorako zerbitzua eskainiko da

-k Az, 2014-10-15 10:23-n bidalia

Ikasturte berri honetan ere, familientzako orientazio psikologikorako zerbitzua eskainiko du Udalak.  Zerbitzua, 0 eta 19 urte arteko seme-alabak dituzten herriko familiei zuzenduta dago. Bertan, seme-alaben hazkunde eta hezkuntzaren inguruko informazioa, orientabidea eta aholkularitza eskaintzen da.  Dohaineko zerbitzu  pertsonalizatu eta konfidentziala da.

Zerbitzuak seme-alaben hazkunde eta heziketari buruzko edozein galderari emango dio erantzuna, erabiltzeko hiru bide daude:

  • Partekatu:

Familian denbora librearen eta jolas egitearen garrantzia (Hitzaldia)

-k Az, 2014-10-15 09:29-n bidalia

“Familian denbora librearen eta jolas egitearen garrantzia”  aztertuko duen hitzaldia izango da datorren 22an, arratsaldeko 18:00retan, Kultur Etxean, erdaraz.

Hitzaldia, Udaleko Prebentziorako Zerbitzuak antolatzen du, eta Etxadi, Orientazio Psikologikorako Zerbitzua eskaintzen duten profesional taldeko kideek emango dute.

Eskertuko genizueke etortzeko asmoa duzuen gurasoei izena ematea, 943.779.126 telefonora deituaz. Gela egokia aukeratzeko ondo etorriko litzaigukelako jakitea gutxi gorabehera zenbat guraso etorriko zareten.

 

  • Partekatu:

Gaur, eguaztena, dohaineko tupperak jasotzeko bigarren aukera

-k Az, 2014-10-15 08:38-n bidalia

 

Igandean tuppera jasotzeko aukerarik izan ez zutenek, datorren eguaztenean izango dute dohaineko tupperra jasotzeko bigarren aukera, Udaletxeko arkupeetan arratsaldeko 17:00etatik 20:00etara banatuko dira.

Gogoratu, etxebizitza bakoitzak eskubidea duela tupper bana jasotzeko, eta nahikoa dela identifikatzea udal teknikoek padroiarekin kontrastatu dezaten.

Etxeetako hondakinak murriztea helburu duen Ontziratu Zaitez!! deitzen den kanpainaren barruko ekintza bat da hau.  

  • Partekatu:

Orriak