Bergarako Udala-k Og, 2022-06-23 14:45-n bidalia
Aurtengo udan ere kultura eskaintza zabala eskainiko du Bergarako Udalak. Ertzak taldeko Aritz Alustizak eskaini diguna horren aurrerapena da. Oraingoan, gainera, azken urteotako murrizketarik gabe egin ahal izango ditugu ekimenak.
Aurretik ere esan dugu, herri bizia nahi dugula Bergara, aberastu egiten duela kulturak, eta aberatsa ere nahi dugula gure herria. Hortik abiatuta osatu dugu udarako kultura eskaintza, eta uste dugu herritarrei erakargarria eta gustagarria izango zaiela.
Musika izango da osagai nagusia, askotariko eskaintzarekin. Uztailean Usondo parkean eta Espoloian (Berumuga) eskainiko dira kontzertuak. Abuztuan, berriz, Fraiskozuri plazan.
Maila handiko taldeek parte hartuko dute. Saiatu gara emakumeen presentzia bermatzen, herriko taldeei ere lekua egiten, eta nazioartean sona duten taldeak ere ekartzen.
Bestelako ekimen batzuk ere programatu ditugu.
UZTAILA
BERUMUGA KONTZERTUAK
Uztailak 1, 8, 15 eta 22
22:00etan Espoloian
Uztailak 1, ostirala
SON ROMPE PERA (Naucalpan, Mexiko)
Garage-Marimba-Punk-Cumbia
Uztailak 08, ostirala
ARIMA SOUL (Donostia, Euskal Herria)
Soul, Funk, Jazz-Groove
Uztailak 15, ostirala
THE REVEREND SHAWN AMOS (Los Angeles, AEB)
Rhythm & Blues
Uztailak 22, ostirala
THE BIG MARTEEN´S (Montpellier, Frantzia)
Swing & Blues
KONTZERTUAK USONDO PARKEAN
Uztailak 2, larunbata, 22:00etan
PELAX taldearen kontzertua
Uztailak 5, asteartea, 20:00etan
ERTZAK taldearen kontzertua
Uztailak 10, igandea, 19:00etan
POTX ETA LOTX pailazoen emanaldia
Uztailak 14, osteguna, 22:00etan
LIHER taldearen kontzertua
Uztailak 28, osteguna, 22:00etan
LA FURIA kantariaren kontzertua
HORRETAZ GAIN
Uztailak 19, asteartea, 19:00etan
ARDO DASTAKETA ikastaroa Mikel Garaizabalekin San Lorentzon. Ekimen honetan parte hartzeko izena eman beharko da aurretik www.bergara.eus webgunean.
Uztailak 21, osteguna, 19:00etan
Trapu Zikinak antzezlana Udalbiltzaren GEURETIK SORTUAK ekimenaren barruan Lore-more konpainiak sortutakoa. Errekalde jauregian
ABUZTUA
FRAISKOZURI PLAZAN
Abuztuak 3, asteazkena, 20:00etan
Akelar taldearen Aztikeriak magia emanaldia
Abuztuak 31, asteazkena, 20:00etan
Zirika Zirkus taldearen Hemendikara emanaldia
