Askotariko erakusketek beteko dute Aroztegi aretoa 2022. urtean

2022 urtean Aroztegi aretoan egingo diren erakusketen egutegia osatu da. Aurreko urtearen hondarrean aukeratu zituen hautaketaz arduratzen den batzordeak. Kalitate handiko lanak aurkeztu dituzte artistek aurten ere. 

Artista bakoitzaren ibilbide artistikoa, curriculuma eta euskarri ezberdinetan aurkeztutako obraren kalitatea hartu dira kontuan egutegia osatzerako orduan. Horretaz gain, programazioa osatzerakoan arte plastiko ezberdinen arteko oreka ere bilatu nahi izan du Aroztegi aretoko batzorde mistoak, eta artisten sexuari erreparatuta, aukera berdintasunari eta artisten sexuaren araberako oreka bilatzeari baita ere. 

Motorren erakusketa izango da erakusketa gonbidatua aurten, apirilaren 22tik maiatzaren 8ra arte egongo da ikusgai. Bestetik, Bergara Hiria eta Kirol argazki lehiaketa: Arizondo elkarteak eta Bergarako Udalak antolatutako argazki lehiaketaren ondoren lehiaketara aurkeztutako lanekin egindako erakusketak, hurrenez hurren uztailaren hasieran eta azaroaren erdialdean jarriko dira. 

Laboratorium ZTB: Zientzia, Teknologia eta Berrikuntza jardunaldien barruan Laboratorium-etik urtero antolatu izan den erakusketa ere egongo da azaroan. 

Urtearen amaieran eta hurrengoaren hasieran, ohi denez, Bergarako kultura elkarteek antolatzen dituzten erakusketak egongo dira ikusgai. 

2022ko urtarriletik 2023ko urtarrilera bitarteko Aroztegi aretoko erakusketen egutegia

Horretaz gain, erreserban utzi diren erakusketak (2022ko zerrendako artistaren batek baja emanez gero sartzeko, eta bajarik egon ezean 2023an zuzenean sartzeko).