Bergarako Udala-k Ar, 2019-08-06 16:40-n bidalia
Abuztua izanik, herritarrei egunerokoan eragozpen gutxiago sortarazteko asmoz, Udalak hainbat obra jarri ditu martxan egunotan. Honako hauek dira lanak:
1.- IBARGARAI, MIGEL ALTUNA PAREAN
Zer: Bergarako Errege Seminarioko patioko azpiegiturak egokitzeko eta hobetzeko lanen jarraipena. Saneamenduko hoditeria hobetzeko lanak.
Iraupena: Abuztuaren hasieratik abuztuaren 16ra arte (ezustekorik ez bada). Horretarako, lotunean bertan 5 metroko arketa bat egingo da eta honek trafiko-aldaketa eta oinezkoen ibilbideen aldaketak suposatuko ditu.
Eragina: Zirkulazio aldaketa/mozketa eta oinezkoen ibilbideen aldaketak.
2.- PALMERAKO BIRIBILGUNETIK ERTZAINTZARA BITARTEAN
Zer: Asfaltatze-lanak. Iraupena: Abuztuaren 1etik 9ra bitartean.
Eragina: 1.- Trafikoa moztuta bitarte horretan (garajeetarako sarrerak izan ezik). 2.- Ibargarai 9ko eta Oxirondoko 2ko autobus-geltokietan ez da zerbitzurik emango (ez Lurraldebus ezta Herribus zerbitzurik ere).
Udaltzaingoak gomendatzen du egun horietan GI-627 errepidea erabiltzea.
3.- GABIRIAKO TUNELA
Zer: Argiteria hobetze aldera bertako instalazioa egokitzeko lanak eta inpermeabilizatu eta eusteko lanak (Geotunel SL, 48.109,34 euroko aurrekontua).
Iraupena: Abuztuaren 6tik 9ra eta abuztuaren 12tik 31ra arte.
Eragina: Tunela itxita egongo da oinezkoentzat 6tik hasi eta hilaren bukaerara arte.
4.- IBARGARAIKO LUR AZPIKO PARKING PUBLIKOA
Zer: Garbiketa-lan sakonak egingo dira. Iraupena: Abuztuaren 19tik 21era.
Eragina:
1.- Aparkalekua itxita
2.- Abuztuaren 19an parking-sarreraren parean karril bat moztuta egongo da.
5.- ARANERREKA KALEAREN HASIERA
Zer: Aranerreka kalearen hasieran arketa-tapa bat konpontzeko lanak.
Iraupena: Abuztuaren 20a.
Eragina: Hesiak ipiniko dira, baina lan eta itxitura honek ez dute zirkulazioan eraginik izango.
6.- MASTERREKA KALEAN
Zer: Masterreka kaleko 2 arketa-tapa konpontzea.
Iraupena: Abuztuaren 21a.
Eragina: Masterreka kaleko aparkalekuak libratu bertatik zirkulazioa bideratu ahal izateko.
7.- INFERNUKO BIDEGURUTZEAN
Zer: Masterreka kalean, Infernuko bidegurutzean arketa-tapa konpontzea.
Iraupena: Abuztuaren 22a.
Eragina: Bideberritik datozen autoek ezingo dute Bolurako norabidea hartu; hau da, ezingo dute eskumatara egin.
8.- ASFALTOKO PINTAKETA-LANAK
Ibargarai, Zurradero, Bideberri, Artzamendi eta Masterreka kaleetan zebrabideak eta seinalizazio horizontala margotzen ibiliko da brigada abuztuan zehar. Zirkulaziorako bide erdia moztu eta bestea erabilgarri izango da beti.
Barkatu eragozpenak!
