Bergarako Udala-k Al, 2017-09-18 11:25-n bidalia
Debagoieneko Mankomunitateak eta Bergarako Udalak jakinarazi nahi dute 2017ko urriaren 1etik aurrera komertzioetako hondakinen bilketa sisteman aldaketak egongo direla.
Aldaketak hurrengoak izango dira:
Errefusa: kaleko edukiontzietan bota beharko da. Horretarako edukiontziak zabaltzeko txartela edukiko duzue.
Organikoa: Organikoaren sortzaile handi eta txikietan banatuko dira komertzio eta tabernak:
• Sortzaile txikiek (60L baino edukiera txikiagoko edukiontziak dituztenek) kaleko edukiontzia erabiliko dute, txartelarekin.
• Sortzaile handiei ( 60L gorako edukiontzia dutenak, gurpildun edukiontziak) orain arte moduan atean jasoko zaie hondakina organikoa. Astearte, ostegun eta larunbat goizean komertzio bakoitzari bere edukiontzia jasoko zaio goizeko 10:00tarako aterata.
Errefusaren edukiontzia zabaltzeko txartela jasotzeko eta aldaketa hauei buruzko azalpenak emateko, bilera bat egingo da, irailaren 20 asteazkenean, 15:30ean Bergarako udaletxean.
Norbaitek ezingo balu bilera horretara joan, irailaren 25etik 30era doan astean udaletxeko hondakinen informazio bulegotik pasa daiteke jasotzera, ondorengo ordutegian: 9:00-14:00.
