Erramu zapatuko txosnak adjudikatzeko deialdia
komunikazioa-k Az, 2015-01-21 14:25-n bidalia
Erramu Zapatuko feria dela eta, 2015eko martxoaren 28an, bi txosna jarriko dira: bat, San Martin edo Munibe plazan eta bestea Seminarioko patioan. Bi txosna horietako bakoitzaren esplotazioa arautuko duten baldintza pleguak urtarrilaren 21ean onartu ditu Bergarako Udalak.
Hori dela eta, idatzi honen bitartez interesa duzuen Bergarako irabazi asmorik gabeko entitate edo elkarteei jakinarazten zaizue eskaerak aurkezteko epea 2015eko otsailaren 20an, 13:00etan bukatuko dela.
Eskaera orriak eta Baldintzen Plegua Idazkaritzan edo hemen bertan atxikituta dituzue eskuragarri.
Gaztelekuarekin eskiatzera, xabalote!
komunikazioa-k Az, 2015-01-21 13:47-n bidalia
Urtero lez, Bergarako Gaztelekuak eskiatzera irteera antolatu du Otsailak 28rako. Interesatuta egonez gero, otsailak 23a baino lehen eman izena Gaztelekuan edo Jardun Elkarteko bulegoan (liburutegi azpian). Joan-etorria egun berean egingo da eta prezioak ondorengoak dira: 24€ (irteera eta forfaita), 37€ (irteera, forfaita eta eskiak) edo 42€ (irteera, forfaita eta snow-a).
Bidekuruzeta, Ramon Mª Lili eta San Pedro kaleek bat egiten duten zonaldearen irisgarritasuna hobetzeko proiektua
komunikazioa-k Az, 2015-01-21 12:30-n bidalia
Bergarako Hirigune Historikoan kokatuta eta erdi aroko diseinua duen zonalde honetan irisgarritasuna hobetzeko, Bergarako Udalak urbanizazio proiektu bat diseinatu du. Proiektu honen aurrekontua 110.000 eurokoa da eta, horretarako, Eusko Jaurlaritzako diru-laguntza jasotzea aurreikusten da.
Aktuazio honetan azaleko lana buruko da, nagusiki. Orain arteko azpiegiturak mantendu egingo dira baina euri uren kanalizazioa eta kable elektrikoak sartzeko instalazioa egingo dira.
Operazio polizial eta judizial aurrean adostutako adierazpen instituzionala
komunikazioa-k Az, 2015-01-14 16:33-n bidalia
Udal Gobernuak eta EAJ alderdiak adostutako adierazpen instituzionala
Obra eta Zerbitzuetako Burua. Ariketa praktikorako deialdia
komunikazioa-k Az, 2015-01-14 11:54-n bidalia
Obra eta Zerbitzuburu plaza betetzeko deialdiaren barruan aurreikusitako ariketa praktikoa honako toki eta egunean egingo da:
- Tokia: Bergarako udal liburutegian. Kultur Etxean.
- Eguna: 2015/01/22.
- Ordua: 08:00etatik aurrera.
Aldi baterako gizarte teknikaria. Lehen ariketarako deialdia
komunikazioa-k Az, 2015-01-14 11:43-n bidalia
Aldi baterako gizarte teknikaria kontratatzeko deialdiaren barruan, jakitera ematen da lehenengo ariketako bi frogak (teorikoa eta praktikoa) egun berean eta jarraian egingo direla. Behean aipatutako toki eta egunean:
- Tokia : Bergarako UNED-en egoitzan. San Martin de Agirre plaza.
- Eguna: 2015/01/22.
- Ordua: 09:00etatik aurrera.
Bergara, 2015eko urtarrilaren 14a.
Bertako euskara lantzeko ikastaroak emango dira martxoan
komunikazioa-k Az, 2015-01-14 10:42-n bidalia
Aurreko urteetan bezala, Bergarako Udaleko Euskara Zerbitzuak eta Udal Euskaltegiak, Jardunen laguntzarekin, bertako euskara lantzeko ikastaroak antolatu ditu, berba egiterakoan egiten diren akatsik ohikoenak lantzeko.
10 orduko ikastaroak dira, ordu eta erdiko saioetan banatuta daude, 8 laguneko taldea osatu ahala jarriko da habian ikastaroa. Ikastaroak aurretik ere egin direnez hasieratik hasi daiteke edo aurrekoen jarraipena landu.
Simon Arrietaren Mendeurrena: Beart-ekoen erakusketa Aroztegin
komunikazioa-k Ar, 2015-01-13 11:26-n bidalia
Beart elkarteak, urteroko ohiturari jarraituz, bere bazkideen erakusketa antolatu du Aroztegi Aretoan. Erakusketa Simon Arrietaren Mendeurrenaren ospakizunetako lehen ekintza da.
Beart-eko erakusketa honek 45 autore inguru biltzen ditu urtero eta aurten ere beste hainbeste biltzea espero dute antolatzaileek.
Erakusketa honen berezitasun bat da artista kontsagratuak eta hasiera faseetan daudenak guztiak elkarrekin erakusten dituztela sortutako lanak.
Bergarako etxeen alokairu soziala kudeatzeko web orrialdea
komunikazioa-k Al, 2015-01-12 11:30-n bidalia
Bergarako Udalak, programa propioa garatu du herriko etxebizitzen alokairua bultzatzeko asmoz.
Programa propio honen bitartez etxea alokairuan hartu edo ematea nahi dutenentzat, web orrialdean atal berezi bat garatu du http://www.bergara.eus/ etxebizitza/
Parte hartzea nahi duen edonork jo dezake orrialdera, bai alokatze prozesua hasteko, bai informatzeko.
Bedelkar elkarteko Gabonetako Zozketaren zenbaki saridunak
komunikazioa-k Og, 2015-01-08 12:37-n bidalia
BEDELKAR elkarteko GABONETAKO ZOZKETAren zenbaki saridunak hauek dira:
200 €ko saria honako zenbaki hauek:
- 03.226
- 18.352
100 €ko saria honako zenbaki hauek:
- 01.483
- 24.751
- 41.228
- 19.202
- 31.124
- 27.409