Albisteak

Abenduaren 31 arte egongo dira eskuragai.

Azaroaren 30eko udalbatzaren osoko bilkuran onartu bezala, lankidetza-hitzarmena sinatu dute Bergarako udalak eta Oinherri herri hezitzaileak sustatzeko elkarteak. Herri hezitzaileen filosofiarekin bat egin du Udalak honela eta Oinherritik sustatzen ari diren herri hezitzaileen sarera gehitu da. Bide bat egin nahi du Udalak elkartearekin elkarlanean, honek dituen helburu, printzipio eta lan ildoak Bergaran garatzeko.

Abenduaren 21etik aurrera berriz zabalduko da gaueko larrialdi zerbitzua.

Herritarrei eskatzen zaie banatzaileei ataria zabaltzea, kanpoan utzi beharrik ez izateko.

Bergarako Berdintasun Kontseiluaren XI. bilera egingo da abenduaren 9an, asteazkenean. Arratsaldeko 18:30ean, Irizar Jauregian.

Egungo osasun egoera aintzat hartuta egingo da bilera eta, nahi duenak, bilerara telematikoki konektatzeko aukera izango du, aldez aurretik jakinarazita (berdintasuna@bergara.eus).

Gai hauek landuko dira:

- Azaroko ekintzen balorazioa.
- Udalak martxan dituen edo jartzea aurreikusten dituen ekimenen berri ematea.
- Martxoaren 8ra begirako antolaketarekin hastea.

Gorka Artola alkatearen ustez, “proiektua garrantzitsua da Bergararentzat, izan ere, gure DNAn dauden ekintzailetasuna, berrikuntza eta elkarlana batzen ditu".

Azaroaren 30eko ohiko osoko bilkuran onartu da aho batez

Larunbat honetarako, abenduak 5, Bergarako Udalak programatuta zuen Erik eta Win emanaldia Seminarixoan, baina taldekide bat gaixotu dela-eta emanaldia bertan behera gelditu da.
Horren ordez Zea Mays-ek kontzertua eskainiko du Seminarixoan abenduaren 5ean 19:00etan Atera diskoa aurkezteko.
Sarrerak gaur, abenduak 2, 17:30ean jarriko dira salgai Kutxabank-en eta baita Seminarixoko leihatilan ere. Sarreren prezioa: 8€.
Era berean, bihar 18:00 – 20:00 bitartean zabalik egongo da Seminarixoko leihatila.

Fraiskozuriko udal pilotalekuari erantsitako tabernaren ustiaketa eta instalazio horien kontrola eta garbiketa ematea du helburu zerbitzua honek. 

Kontratuak urte bateko iraupena izango du, kontratua indarrean sartzen denetik zenbatzen hasita (aurreikusten da 2021ko otsailaren 11n indarrean sartzea). Hala ere, kontratua urtez urte luzatu ahal izango da 3 urtez, gehienez guztira 4 urte izan arte. 

Lizitazio tipoa guztira (urtekoa), 21.538 euro (BEZ barne) da. 

Bergarako merkataritza-establezimendu guztiak aintzakotzat hartuko dira lehiaketan, aurrez izena emanda. Izena emateko epea, abenduaren 3tik 11ra bitartean, 943761016 telefono-zenbakira deituta (komertzio-ordutegian).

2020ko abenduaren 7tik aurrera erakusketarako prestatuta egon beharko dute erakusleihoek.

Sariak ematerakoan, kontuan hartuko da publizitate-mezuaren imajinazioa, originaltasuna, argiztapena, berrikuntza eta eraginkortasuna, erakusleihoaren kalitatearekin batera.

Erakusleihoetan establezimenduan saltzen diren ohiko artikuluak agertu beharko dira.