webmaster-k Ar, 2025-09-09 09:49-n bidalia
Bergarako Udala eta Debagoieneko Mankomunitatea elkarlanean ari dira Mugikortasun Astea ospatzeko, garraio jasangarriaren aldeko kontzientzia pizteko helburuarekin.
Debagoieneko datuek erakusten dute kotxe-mugimenduen %75 bailara barruko joan-etorrietarako izaten dela, eta horrek garraio alternatiboen erabilera sustatzeko beharra azpimarratzen du.
Irailaren 18an – Diaporama: Bira bidaia Afrikatik
Seminarixoan izango da Garbiñe Arroyuelo de la Torre eta Anderrek aurkeztutako bidaia kronika ikusgarria.
Ordutegia ikastetxeka:
• 8:30 – Mariaren Lagundia
• 10:00 – San Martin
• 11:30 – Ipintza
• 12:45 – Aranzadi
Irailaren 19an – Jolasak eta ibilbideak
Ikastetxe bakoitzean jolasak eta ibilbideak antolatuko dira, bizikleta, patinak eta scooter-ak erabiliz. Helburua da haur eta gazteen artean mugikortasun aktiboa eta osasuntsua sustatzea.
Astean zehar – Marrazki erakusketa
Ikastetxeetako ikasleek egindako marrazkiak ikusgai izango dira, mugikortasun jasangarriaren inguruko hausnarketa artistikoa plazaratuz.
