Presazkoa den deialdi honen xedea da, LANBIDEn izena emanda dauden eta interesa izan dezaketenen artean, aldi baterako LANEKO OSASUN ETA PREBENTZIO TEKNIKARIA izendatzea lehiaketa-oposizio irekiaren sistemaren bidez (lanpostua: udaleko laneko osasun eta prebentzio teknikaria; eskala: Administrazio Berezia; azpieskala: Teknikaria; klasea: Erdi Mailako Teknikaria; sailkapen-taldea: A2).
Lanpostuaren eginkizun eta ardura nagusiak Bigarren Oinarrian zerrendatzen dira.
Deialdi honetako lanpostuak Bergarako Udaleko langileriaren lan-harremanak arautzen dituen hitzarmenak jasotako Ordainsarien Taulako 14. maila du, eta derrigorrezko 3. hizkuntza-eskakizuna, derrigorrezkotasun-data beteta duelarik. Maila hau behin-behinekoa da eta egiten ari den balorazioaren kontura ordaintzen da, hau da, azken honen emaitzaren arabera erregularizatuko da.
Aurreikusten den kontratuaren iraupena gutxienez 6 hilabetekoa izango da. Jarraian, lanpostua behin betirako bete bitartean (dagokion lan-eskaintza eta deialdi irekiaren bidez) luzatzea ere aurreikusten delarik.
Halaber, udal honetan aldi baterako beste premia batzuetarako ere udalaren erabilerarako izango den lan-poltsa izaera izan dezake, udalak horrela onartuko balu.
