webmaster-k Ar, 2025-07-15 13:35-n bidalia
Bergarako Udalak eta Hizkuntza Eskubideen Behatokiak lankidetza-hitzarmen bat sinatu dute, hizkuntza eskubideen defentsa eta herritarren kontzientziazioa indartzeko helburuarekin. Akordio honen bidez, bi erakundeek elkarrekin jardungo dute euskararen erabilera bermatzeko eta herritarren hizkuntza eskubideak errespetatuak izan daitezen sustatzeko.
Hitzarmen honek aukera emango du hizkuntza eskubideen inguruko sentsibilizazio lana egiteko Bergaran, eta herritarrak kontzientziatzeko eskubide horiek ezagutu eta baliatzearen garrantziaz. Era berean, Udalak eta Behatokiak elkarlanean jardungo dute herritarrek hizkuntza eskubideen inguruan izan ditzaketen zalantzak, zoriontzeak edo kexak jasotzeko bideak erraztuz, eta horiei behar bezala erantzuteko tresnak eskainiz.
