Bergarako Udala-k Az, 2018-05-23 12:37-n bidalia
Larunbat honetan, maiatzaren 26an, banatuko dira XXXIII. Koldo Eleizalde lehiaketako sariak. Seminarixoan izango da ekitaldia, 12:00etan.
Parte-hartzea honako hau izan da:
• Ipuin idatzia: 344
• Bertsoa: 85
• Komikia: 116
• Interpretazio-lanak (antzerkia, ipuin-kontaketa, txisteak…): 20
Antolatzaileek nabarmendu nahi izan dute zenbait generotan (bertsoetan, komikian…) parte-hartzean eta lanen kalitatean ere izandako hobekuntza. Gorakada hori generook lantzeko eskainitako saioekin lotuta dago eta aurrera begira ere bide horretan sakondu nahi du Udalak: lehiaketa hutsa eskaini ordez, nahi dutenentzako sortze-eskola ere eskaini nahi da.
Lehiaketaren bidez, herritarrak euskaraz sortzera animatu nahi dira eta sortze-lanak plazaratzeko gune bat eskaintzen zaie. Alde horretatik, aipagarria da aurten sari-ematea Seminarixoan izango dela, saritutako lanak baldintza egokietan plazaratzeko helburuarekin.
Atxikituta irabazleen zerrenda: saridunak.pdf
