Agorrosinek 75.000 erabiltzaile izan ditu aurtengo udan
admin-k Ar, 2012-09-11 15:59-n bidalia
Irailaren 17tik 23ra Agorrosingo urteko bigarren garbiketa dela eta kirol instalazioa itxita egongo da.
Agorrosinen 75.000 pertsona izan dira uda honetan, hau da, eguneko 860 pertsonako bataz bestekoa. Zortzi egunetan 2000 lagunetik gora etorri dira Agorrosinera.
XXXIX. Ageriko pintura lehiaketa irailaren 16an ospatuko da
admin-k Ar, 2012-09-11 13:05-n bidalia
Lehiaketan nahi duen edonork parte hartu ahalko du, inongo eragozpenik gabe. Parte-hartzaile bakoitzak artelan bakarra aurkeztu dezake.
BEART Bergarako artisten elkarteak XXXIX. Ageriko pintura lehiaketa antolatu du Bergarako Udalaren laguntzaz. Lehiaketa irailaren 16an ospatuko da eta lanak egun bereko 13:00etaik 14:00etara aurkeztuko dira.
San Martin jaietan gaueko autobus zerbitzua egongo da
admin-k Ar, 2012-09-11 11:49-n bidalia
Bergarako Udalak gaueko autobus zerbitzua jarri du irailaren 15ean, larunbatean, ospatuko diren San Martin jaietarako.
Ohiko autobus zerbitzuaz gain, Bergara eta Elgeta alde batetik, eta Bergara eta Antzuola bestetik, lotuko ditu gaueko autobus zerbitzuak.
Ez da Lurraldebus txartela onartuko, beraz, autobus txartelaren ordainketa eskudirutan egingo da. Txartelaren prezioa: 1,80€koa izango da.
San Martin jaietako danborradako “abanderatuak” izateko izen-emate epea zabalik
admin-k Ar, 2012-09-11 10:26-n bidalia
Danborrada irailaren 15ean ospatuko da eta 15 urtetik gorako bergarar guztiek parte hartu ahalko dute.
Datorren larunbatean, irailaren 15ean, San Martin jaietako helduen danborrada izango dugu Bergaran. Hori dela eta, danborradako “abanderatuak” izateko izen-emateko epea zabalik dago jadanik. Desfilean parte hartu nahi duten neska-mutilek Kultur-etxean eman ahalko dute izena.
Ekintza hau herriari irekita egongo da eta 15 urtetik gorako bergarar guztiei dei egiten zaie ekitaldian parte hartzera.
Sua euskal filmaren inguruko kartel erakusketa Aroztegi aretoan
admin-k Ar, 2012-09-11 10:22-n bidalia
Erakusketa irailaren 11tik 16ra egongo da ikusgai.
Gaurtik hasita irailaren 16ra bitartean Aroztegi aretora bertaratzen direnek SUA euskal filmaren inguruko kartel erakusketa ikusi ahalko dute. Erakusketa ondorengo ordutegietan egongo da ikusgai:
Asteartetik ostiralera: 18:00-20:30
Larunbatean: 12:00-14:00 eta 18:00-20:30
Igandean: 12:00-14:00
Jabier Herreroren erakusketa bertan behera geratu da
admin-k Al, 2012-09-10 18:22-n bidalia
Abuztuaren 31tik irailaren 16ra arte, Aroztegi aretoan aurreikusita zegoen Jabier Herreroren eskultura eta pintura lanen erakusketa bertan behera geratu da.
San Martin jaiak 2012
admin-k Al, 2012-09-10 16:15-n bidalia
Euskal Filmak zikloaren baitan 3 film izango dira
admin-k Az, 2012-09-05 17:37-n bidalia
Iraileko asteazkenetan euskarazko zinea izango da Bergarako Zabalotegi Aretoan
Bergarako Udalak eta Jardun Euskara Elkarteak elkarlanean Euskal filmak zikloa antolatu dute irailerako asteazkenetarako. Bergarako Zabalotegi aretoan izango dira emanaldiak.
Ekimen honen bitartez euskarazko zinea eskaintzeaz gain, Euskal Herrian bertan ekoiztutako produkzioa indarrean jarri nahi du Udalak. Baita mota honetako filmak herritarrei eskuragarri jartzea ere.
Diru-laguntzak eskatzeko epea zabalik gobernuz kanpoko erakundeentzat
admin-k Al, 2012-09-03 17:08-n bidalia
Diru-laguntzak garapen bidean dauden herrialdeetako bizilagunen baldintzak hobetzeko programak abian dituzten gobernuz kanpoko erakundeentzat izango dira.
Bergarako Udalak Gobernuz kanpoko erakunde edo instituzioentzako 52.600 euroko diru-laguntza du prest.
Diru-laguntzak eskatzeko aukera gizarte zerbitzuen alorreko elkarteentzat
admin-k Al, 2012-09-03 16:53-n bidalia
Elkarteen artean banatzeko dagoen aurrekontua 18.000€ da. Diru-laguntzak eskatzeko epea irailaren 29an bukatuko da.