webmaster-k Or, 2026-06-26 09:28-n bidalia
Bergarako Udalak jakinarazi duenez, ekainaren 29tik uztailaren 3ra bitartean obrak egingo dira Iriburu kaleko errepideko azken aldapan. Zehazki, bertan dauden bi estolda zulo ordezkatuko dira, mantentze eta segurtasun lanen barruan.
Lanen ondorioz, eta bai langileen bai herritarren segurtasuna bermatzeko, aipatutako tartean ibilgailuen zirkulazioa erabat etenda egongo da egun horietan.
Trafikoaren antolamendua egokitzeko, aldi baterako neurri hauek ezarriko dira:
• Iriburu kalea eta Koldo Elizalde kalea bi noranzkoetan irekita egongo dira.
• Zirkulazio bikoitza ahalbidetzeko, aparkaleku batzuk kendu egingo dira.
• Aparkaleku horien tokian gurutzatzeko puntuak jarriko dira, hesien bidez behar bezala seinaleztatuta.
Udalak herritarren ulermena eta lankidetza eskertu nahi ditu, sortu daitezkeen eragozpenen aurrean, eta gogorarazi du lan hauek ezinbestekoak direla herriko azpiegituren egoera hobetzeko.
