webmaster-k Az, 2026-04-22 09:26-n bidalia
Bergarako Udala-k “Gandik” izeneko proiektu berria jarri du martxan, herriko merkatariei zuzenduta. Ekimenaren helburu nagusia tokiko negozioen digitalizazioa bultzatzea eta, aldi berean, ingurune digitalean euskararen presentzia indartzea.
Proiektua elkarlanean garatuko da Eusko Jaurlaritza-rekin eta PUNTUEUS Fundazioa-rekin. Parte hartzen duten merkatariek aukera izango dute beren negoziorako euskarazko webgune propioa sortzeko, guztiz doan.
Ekimenaren berezitasun nagusietako bat da webguneen sorrera Bergarako DBH, Batxilergo eta Lanbide Heziketako ikasleen esku egongo dela, irakasleen gidaritzapean. Ikasleek merkatariekin elkarlanean jasoko dute beharrezko informazioa eta, ondoren, webgunea diseinatuko dute modu pertsonalizatuan, euskaraz.
Parte-hartzaileek hainbat abantaila jasoko dituzte: webgune erabilgarri eta egokitua, .EUS domeinua eta ostatatzea lehen urtean doan, eta baita kudeaketarako laguntza ere. Proiektuaren amaieran, negozio bakoitzak bere webgunea eta hura kudeatzeko beharrezko tresnak eskuratuko ditu.
Parte-hartzea borondatezkoa bada ere, udalaren arabera aukera paregabea da tokiko merkataritzarentzat kosturik gabe digitalizatzeko eta Interneten presentzia indartzeko. Lehentasuna saltokiek izango dute, baina interesa duen edonork eman dezake izena. Eskariak aurreikusitakoa gainditzen badu, zozketa bidez erabakiko da parte-hartzea.
Izena emateko epea apirilaren 30era arte egongo da zabalik, eta esteka honen bitartez egin beharko da: https://labur.eus/gandik-formularioa. Ondoren, informazio-bilera bat egingo da proiektuaren xehetasun guztiak azaltzeko.
Informazio gehiago behar dutenak Bergarako Udaleko Euskara Zerbitzuarekin jar daitezke harremanetan.
