Deialdi honen xedea da elektrikarien brigadarako, aldi baterako eta txandakako kontratuarekin, elektrikarien arduraduna kontratatzea, lehiaketa-oposizioaren bidez.
Lanpostua sailkapeneko C sailkapen-mailan C1 azpitaldekoa da, eta 13. mailari dagokion soldata-maila du. Halaber, 3. hizkuntz eskakizuna dagokio, derrigorrezkoa.
Kontratuaren iraupena, estimatua, 2017ko uztailean hasi eta 2020ko abenduaren 20ra artekoa litzateke.
Lan-kontratua lan-jardun osokoa izango da.
Lanegunak eta ordutegia udalak urtean-urtean finkatutakoak izango dira, betiere lanpostuaren izaeraren eta zerbitzuaren premien araberakoak; adibide gisara, Bergarako jaietan, San Martin jaietan, San Martzial jaietan, Erramu Zapatuan eta horrelako jaietan antolatzen den egitarauak eskatzen duen langile-premiari erantzuteko lan egin beharko du, guztiak egutegian aurreikusiko direlarik.
